“БІЗ БІРГЕМІЗ!” АКЦИЯСЫ ЖАҢАҚОРҒАН ЖӘНЕ СЫРДАРИЯ АУДАНДАРЫНДА ЖАЛҒАСТЫ
Қызылорда облыстық білім және ғылым қызметкерлері кәсіподақ комитетінің Жаңақорған аудандық филиалы 26 ауылдық округтегі кәсіподақ мүшелерінің 100 отбасын әлеуметтік маңызы бар азық-түлікпен және медициналық маскамен қамтамасыз етті.
Сырдария ауданында да акция аясында 43 отбасына азық-түлік себеттері жеткізіліп берілді. Сақтық шараларын қамтамасыз ету үшін барлық білім мекемелеріне 900-дей бетпердеарнайы тапсырыспен тігіліп, таратылды.
Облыстық кәсіподақ комитеті төтенже жағдай салдарынан үйі өртенген аталмыш аудандағы кәсіподақ мүшелігіндегі 2 отбасына 200000 теңге көлемінде қаржылай көмек берді.
Игі істердің қарқыны алдағы уақытта да жалғасын таба береді. Кәсіподақ мүшелерінің еңбек құқығын қорғап, көмек беру назардан тыс қалмайды.
