«МЕКТЕПТЕГІ КӘСІПТІК БАҒДАР: ТҰЛҒАНЫҢ КӘСІБИ ҚҰНДЫЛЫҒЫ ЖӘНЕ ПЕДАГОГИКА МАМАНДЫҒЫ»
Осындай атаумен өткен республикалық ғылыми-тәжірибелік онлайн-конференциясында Қызылорда облыстық білім және ғылым қызметкерлері кәсіподақ комитетінің төрайымыГүлнар Есқалиева «ХХІ ғасырдағы ұлттық тәрбие құндылықтары және мұғалім мәртебесі» тақырыбында баяндама жасады. Педагогтің еңбегін бағалауға баса назар аударылғандығын атап, осыған орай атқарылған жұмыстарға тоқталып өтті. Нәтижелі жұмыс арқасында қол жеткізген жетістіктері үшін тағайындалатын номинацияларды айта отырып, конференцияға қатысқан жүзге жуық республикамыздың ұстаздарымен, білім үздіктерімен тәжірибе алмасты. Сыр ұстаздарына оқу жылының соңында қашықтықтан оқыту үдерісінде белсенділік танытып, жан-жақты жұмыс жасағандығы үшін марапат ұйымдастырылатынын мәлімдеді. Кәсіподақ мүшелерін қолдау қашанда күн тәртібіндегі ең бірінші мәселе екенін, қандай да мәселе туындаса тыңдап, талқылауға дайын екендігін жеткізді.
Қызылорда облыстық білім және ғылым қызметкерлері
кәсіподақ комитеті
