Аумақтық ұйымдардың жаңалықтары

Ақтөбе облыстық білім және ғылым қызметкерлері кәсіподақ ұйымы осындай тақырыпта елімізде болып жатқан төтенше жағдайға байланысты кезекті online семинар-кеңесін Ойыл және Темір аудандарында өткізді.
Семинар мақсаты: төтенше жағдай кезінде кәсіподақ мүшелерінің құқығын қорғау, оларға қолдау көрсету. Семинарға облыстық білім және ғылым қызметкерлері кәсіподақ ұйымының төрайымы, бас маманы-құқықтық еңбек инспекторы, еңбек қауіпсіздігі және еңбекті қорғау мәселелері жөніндегі маманы, аудандық білім қызметкерлері кәсіподағы ұйымының төрайымы және мектепке дейінгі ұйымдардың меңгерушілері, қосымша білім беру мекемелерінің басшылары, бастауыш кәсіподақ ұйымдарының төрағалары, есепшілер, барлығы 41 кәсіподақ мүшеcі қатысты.
Облыстық кәсіподақ ұйымының төрайымы Р.Серікова елімізде төтенше жағдай кезінде атқарылған игі іс-шаралар туралы айтып өтті.
Семинар барысында кәсіподақ мүшелері іссапар шығындары, тәрбиешілерге орын алмастыру кезінде еңбек ақының төленуі, еңбек шарттарының жасалуы, мүмкіндігі шектеулі балаларды тәрбиелеушілерден табыс салығының ұсталуы, сондай-ақ еңбекақыға қатысты сұрақтар қойып, қанағаттанарлық жауаптар алды.
Осындай шара Ойыл ауданында да жалғасын тапты. Ойыл ауданының кәсіподақ мүшелеріне арналған семинар-кеңеске мектепке дейінгі мекемелер, қосымша білім беру ұйымдары, Ойыл аудандық психологиялық-педагогикалық түзету кабинеттерінің басшылары мен бастауыш кәсіподақ ұйымдарының төрағалары, аудандық білім бөлімінің әдіскері М.Жүндібаева, аудандық кәсіподақ ұйымының төрайымы Г.Избагамбетова қатысты. Аталған шара барысында облыстық кәсіподақ ұйымының төрайымы, заңгері, еңбекті қорғау жөніндегі маманы кәсіподақ мүшелерінің кезекті еңбек демалысы, сауықтыру жәрдемақысы, жұмысқа қызметкер қабылдау туралы қойылған сұрақтарға жауаптар берді. Семинарға 28 адам қатысты.

«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ