СТУДЕНТТЕРГЕ КӨМЕК КӨРСЕТІЛДІ
Жезқазған аумақтық білім және ғылым қызметкерлерінің кәсіподақ ұйымы Ө.А.Байқоңыров атындағы Жезқазған университетінің 9 студентіне әлеуметтік көмек көрсетті.
Елімізде төтенше жағдайға байланысты студенттер де сабақты онлайн режимінде оқып жатыр. Алайда, аталған университеттің тоғыз студенті (оның ішінде алтауы Түркістан облысынан «Серпін» мемлекеттік бағдарламасы бойынша білім алушылар ауылдарында интернет желісінің болмауына байланысты жәнеүшеуі Қытай Халық Республикасынан келіп оқып жатқан қандас бауырларымыз өз елдеріне оралуға мүмкіндігі болмағандықтан) Жезқазған қаласында жатақханада қалуға мәжбүр болды.
Жезқазған аумақтық білім және ғылым қызметкерлерінің кәсіподақ ұйымы аталған студенттерге қаржылай қолдау көрсетті және оларды медициналық бетпердемен, дәрі-дәрмекпен, антисептиктік құралдармен қамтамасыз етті.
Алдағы уақытта да әлеуметтік қолдау шаралары жалғасын таба береді.
Жезқазған аумақтық білім және ғылым қызметкерлерінің кәсіподақ ұйымы
