БҮГІН ДҮНИЕЖҮЗІЛІК ЕҢБЕКТІ ҚОРҒАУ КҮНІ
Халықаралық еңбек ұйымы бұл күнді жұмыс орнында қауіпсіз тәжірибені қолданумен қатар, еңбекті қорғау қызметтерінің ролі туралы хабардар ету үшін атап өтеді.
Ұйымның кез келген жұмыс режимінде, тіпті қашықтықтан болса да өмір, денсаулық мәселелері басымдыққа ие болуы қажет.
Қазақстандық салалық білім және ғылым қызметкерлері Ақтөбе облыстық кәсіподағының ұйымдастыруымен аудандардағы әлеуметтік серіктестермен, бастауыш кәсіподақ ұйымдарының көшбасшыларымен Дүниежүзілік еңбекті қорғау күніне орай семинар өткізу жоспарлануда. Семинар облыстық кәсіподақ ұйымының төрайымы Р.Серікованың, бас маман, құқықтық еңбек инспекторы А.Алимпиев, еңбек қауіпсіздігі және еңбекті қорғау мәселелері жөніндегі маманы Н.Жетпісбай және аудандық білім қызметкерлері кәсіподағының төрағаларының қатысуымен барлық аудандарда кесте бойынша қашықтықтан ұйымдастырылады.
Бүгін алғашқы семинар Әйтеке би ауданы мен Ырғыз ауданы кәсіподақ мүшелеріне арнап өткізілді. Оған мектепке дейінгі, мектептен тыс мекемелерінің басшылары, бастауыш кәсіподақ ұйымының 73 көшбасшысы қатысты. Кәсіподақ мүшелерінің еңбек қатынастарына, еңбек демалысына, оқу жүктемелеріне, мектепке дейінгі мекемелердің басшыларын аттестаттауға, декреттік демалысқа кеткен қызметкерлердің орнына уақытша жұмысқа қабылдануға байланысты сұрақтарына облыстық білім және ғылым қызметкерлері кәсіподақ ұйымының төрайымы мен заңгерлері нақты жауаптарын берді.
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
