28 СӘУІР – ХАЛЫҚАРАЛЫҚ ЕҢБЕК ҰЙЫМЫНЫҢ ДҮНИЕЖҮЗІЛІК ЕҢБЕКТІ ҚОРҒАУ КҮНІ
Жыл сайын Халықаралық еңбек ұйымы 28 сәуірді Дүниежүзілік еңбекті қорғау күні деп жариялайды. Бұл шара жұмыс орнында жазатайым оқиғалар мен аурулардың алдын алуға көмектесу үшін жасалған.
Дүниежүзілік еңбекті қорғау күнінің тақырыбы: «Пандемияны тоқтату: Еңбекті қорғау өмірді сақтай алады» (түпнұсқа – «Stop the pandemic: Safety and health at work can save lives»).
Осы жылдың басынан бастап әлемнің үкіметтері, жұмыс берушілер, қызметкерлер мен қоғамдар COVID-19 пандемиясымен күресте үлкен қиындықтарға тап болды.
Осыған орай, Дүниежүзілік еңбекті қорғау күніжұмыс орнында жұқпалы аурулардың өршуіне және қазіргі COVID-19 пандемиясына назар аударып,жұмысшының денсаулығын сақтауға және оны жұмыс орнында қорғауға тырысады.
Қазіргі кездің мақсаты – еңбек қауіпсіздігі және еңбекті қорғау мәселелері бойынша диалогты нығайту. ХЕҰ бұл күнді жұмыс орнында қауіпсіз тәжірибені қолдану туралы және еңбекті қорғау қызметтерінің рөлі туралы хабардар ету үшін пайдаланады.
Қосымша ақпарат алу үшін 2020 жылдағы Дүниежүзілік еңбекті қорғау күніне арналған ХЕҰ есебімен танысуды ұсынамыз: http://profadilet.kz/kz/article/show/18/119.
Кәсіподақ мүшелерінің денсаулығын сақтау, инфекциялардың таралуын болдырмау және жұқтыру қаупін барынша азайту мақсатында Нұр-Сұлтан қаласының «Әділет» білім беру қызметкерлерінің кәсіподағы – білім беру ұйымдарының басшыларына, еңбекті қорғау жөніндегі техникалық инспекторларына қызметкерлерді жедел респираторлық вирустық инфекциялардың алдын алу шаралары туралы хабардар етуді ұсынады.
«Нұр-Сұлтан» қаласының білім Басқармасы мен «Әділет» Кәсіподағы арасындағы әлеуметтік әріптестік туралы Аймақтық келісімде өндірістегі жазатайым оқиғалардың, кәсіптік аурулардың алдын алуға, еңбек жағдайлары мен еңбекті қорғауға, санитарлық-гигиеналық жағдайларға бағытталған еңбек қорғау шаралары қарастырылған. Осындай жағдайда, бұл шараларға одан да көп назар аударуды қажет етеді!
Дәл қазір, коронавирустық пандемияға тап болған кезде, мұғалімдер мен басқа жұмысшыларды қорғау үшін бірігу қажет. Ұйымның кез-келген жұмыс режимінде, тіпті қашықтық болса да, өмір мен денсаулық мәселелері басымдыққа ие болуы керек.
Өзіңізге және жақындарыңызға қамқорлық көрсетіңіз!
