Біздің күшіміз – бірлікте!
Кәсіподақ жұмысының негізгі бағыты- білім саласы қызметкерлерінің кәсіподақ мүшелерінің еңбек, әлеуметтік- экономикалық құқықтары мен кәсіби мүдделерін қорғау. Әлеуметтік әріптестіктің аясында білім қызметкерлерінің біршама мәселелері кәсіподақ тарапынан қолдау көрсетіліп оң шешімін табуда.
Елімізде төтенше жағдай енгізілуіне байланысты Қазақстандық салалық білім және ғылым қызметкерлері кәсіптік одағының әлеуметтік әріптестеріне Үндеу жариялады. Кәсіподақ осындай кезеңде сала қызметкерлерінің еңбек және әлеуметтік сипаттағы мәселелерді бірлесіп шешуге атсалысуда.
Қармақшы аудандық білім қызметкерлері кәсіподақ комитеті 2020 жылдың наурыз-сәуір айларында «Біз біргеміз» акциясы аясында елімізде болып жатқан төтенше жағдай COVID-19 пандемиясы тұсында қамқорлықты қажет ететін білім қызметкерлерінің кәсіподақ мүшелеріне қолдау көрсету мақсатында 174 отбасын 2 млн теңге көлемінде азық- түлікпен қамтамасыз етті.
Облыстық кәсіподақ комитетінің ұйымдастыруымен кент орталығындағы білім мекемелеріне 500 маска тегін таратылды.
Қармақшы аудандық білімқызметкерлерінің кәсіподақкомитеті
