Біздің күшіміз бірлікте!
Елімізде орын алған төтенше жағдайға байланысты, Жезқазған аумақтық білім және ғылым қызметкерлерінің кәсіподақ ұйымы және филиалдары әлеуметтік әріптестермен біріге отырып әлеуметтік әріптестік туралы келісімге сай білім беру ұйымдарындағы жұмыскерлердің құқықтарын қорғау, кәсіподақ мүшелерін әлеуметтік қолдау және материалдық көмек көрсету бағытында жұмыстар жүргізіп келеді.
Қарағанды облыстық Кәсіподақтар бірлестігі жанындағы штабтың төрағасының Жезқазған аймағы бойынша орынбасары, әрі Жезқазған аумақтық білім және ғылым қызметкерлерінің кәсіподақ ұйымы жанынан құрылған жедел штабтың төрағасы М.С.Конурбаевтың басшылығымен аумақтық білім және ғылым қызметкерлерінің кәсіподағына қарасты мүшелік ұйымдарда әлеуметтік-еңбек қатынастарын реттеу және туындаған мәселелерді жедел қалпына келтіру мақсатында жұмыстар тұрақты бақылауда жүргізілуде. Сонымен қатар, аудан-қала әкімдіктері жанындағы жедел штаб құрамында Жезқазған аумақтық білім және ғылым қызметкерлері кәсіподақ ұйымының өкілдері белсенді қызмет етуде.
Бүгінде Жезқазған аумағының білім беру ұйымдарында жұмысынан айырылған немесе жалақы сақталмайтын демалысқа шығуға мәжбүр болған қызметкерлер тіркелген жоқ.
Төтенше жағдай кезінде әлеуметтік қолдауға мұқтаж білім беру ұйымдарының қызметкерлеріне және ардагерлерге көмек көрсету назардан тыс қалған жоқ.
Жезқазған аумақтық білім және ғылым қызметкерлерінің кәсіподақ ұйымының филиалдары тарапынан 2 898 000 теңге көлемінде көмек көрсетілді. Соның ішінде:
Жезқазған қалалық білім қызметкерлерінің кәсіподақ ұйымы тарапынан 363 000 теңге көлемінде;
Сәтбаев қалалық білім қызметкерлерінің кәсіподақ ұйымы тарапынан 600 000 теңге көлемінде;
Балқаш қалалық білім қызметкерлерінің кәсіподақ ұйымы тарапынан 605 000 теңге көлемінде;
Қаражал қалалық білім қызметкерлерінің кәсіподақ ұйымы тарапынан 100 000 теңге көлемінде;
Шет аудандық білім қызметкерлерінің кәсіподақ ұйымы тарапынан 220 000 теңге көлемінде;
Жаңаарқа аудандық білім қызметкерлерінің кәсіподақ ұйымы тарапынан 320 000 теңге көлемінде;
Ақтоғай аудандық білім қызметкерлерінің кәсіподақ ұйымы тарапынан 170 000 теңге көлемінде;
Ұлытау аудандық білім қызметкерлерінің кәсіподақ ұйымы тарапынан 520 000 теңге көлемінде, антисептиктік құралдар, маскалармен және қаржылай әлеуметтік қолдауға мұқтаж білім беру ұйымдарының қызметкерлеріне және ардагерлерге көмек көрсетті.
Сонымен қатар, осы филиалдардың кәсіподақ мүшелеріне қосымша көмек ретінде Жезқазған аумақтық білім және ғылым қызметкерлері кәсіподақ ұйымы өз қаражаты тарапынан барлығы 2 000 000 теңге көлемінде азық-түлік, дәрі-дәрмек, антисептиктік құралдар, 500 маскалармен және 350 000 теңге қаржылай әлеуметтік қолдауға мұқтаж білім беру ұйымдарының қызметкерлеріне және ардагерлерге, барлығы 874 жанұяға көмек көрсетті.
#Біз біргеміз!
Төраға М.С.Қоңырбаев
-
Фото
-
