«Біз біргеміз, Бірлік түбі-береке!»
Еліміздегі төтенше жағдайға байланысты білім саласындағы қызметкерлердің еңбек құқықтарын, оның ішінде еңбекақы төлемі, бос тұрып қалу режимінде қалудың жолдары мен заңдылықтарын түсіндіру мақсатында бірқатар жауапты жұмыс түрлері жүргізілуде. Атап айтсақ, Маңғыстау облыстық кәсіподақ ұйымының төрайымы Т.А.Баймбетова, құқықтық қызмет бойынша маманы Н.С.Храмова әлеуметтік әріптестермен үнемі байланыста отырып, еңбек заңнамасының, ұжымдық шарттардың заңды орындалуына байланысты кеңестерді беріп келеді.
Төтенше жағдай кезеңінде кәсіподақ мүшелерінен жазбаша, ауызша, әлеуметтік желілер арқылы сұрақтар да аз болмады. Көтерілген мәселелердің басым бөлігі бос тұрып қалу жағдайында жалақының төленуі, ақылы еңбек демалысының берілу тәртібі мен дұрыс есептелуі бойынша болды. Әрине, кәсіподақ ұйымы кез-келген өтінішті қараусыз қалдырмай, заң шеңберінде шешуге қолдау көрсетіп келеді. Кәсіподақ ұйымының басты міндеттерінің бірі-кәсіподақ мүшелерінің құқықтары мен кәсіби мүдделерін қорғау және заңсыздықтарға жол бермеу.
Бірлік түбі-береке!Еліміздегі төтенше жағдай адам баласының қай жағынынан да болмасын өзіндік жағымсыз әсерін беретіні сөзсіз. Осындай сын сағаттарда "Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» ҚБ Ақтау қалалық филиалы мен Түпқараған аудандық білім қызметкерлерінің кәсіподақ ұйымыкоронавируспен күрес жағдайында білім саласындағы мектепке дейінгі және мектептердің бастауыш кәсіподақ ұйымдары мен бірлесе отырып қайырымдылық шараларын өткізді. Қалалық, аудандық білім саласының еңбек ардагерлері мен аз қамтылған отбасы және әлеуметтік жағдайы төмен отбасы азаматтарына қолдау көрсетілді.
Ақтау қалалық кәсіподақ ұйымы филиалы, 16 сәуір күні білім беру саласындағы қызметкерлердің әлеуметтік жағдайларын ескере отырып 100 кәсіподақ мүшелеріне 420000,00 мың теңге көлемінде азық-түлік себеттері берілсе, Түпқараған ауданы филиалы 22 аз қамтылған отбасына, 14 әлеуметтік жағдайы төмен отбасыларға және 4 зейнеткерлерге, яғни барлығы 40 адамға аудандық кәсіподақ ұйымының жанынан 5000 мың теңге көлемінде қаржы бөлді. Осы бөлінген қаржыға аудан орталығында орналасқан «Айбар» шағын маркеті сауда орталығынан және С.Шапағатов ауылында, Таушық ауылында, Қызылөзен ауылдарындағы сауда орталықтарынан өздеріне қажетті тағамдарды, тұтынатын тұрмыстық заттарды алды.
Мұндай игі-іс шаралардың куәсі болған қызметкерлеріміз кәсіподақ ұйымдарына өз ризашылықтары мен алғыстарын білдірді.
«Біз біргеміз» , «Біз үйдеміз» !!!
«Қазақстандық салалық білім және ғылым қызметкерлерінің
кәсіптік одағының Маңғыстау облыстық ұйымы» ҚБ
-
Фото
-
