Аумақтық ұйымдардың жаңалықтары

Қазақстан Республикасында 16.03.2020 ж. бастап 15.04.2020 ж. дейін төтенше жағдай енгізілгеніне байланысты «Біз біргеміз» акциясы аясында «Қазақстандық салалық білім және ғылым қызметкерлерінің кәсіптік одағының Маңғыстау облыстық ұйымы» ҚБ-гі аудандық, қалалық кәсіподақ ұйымы филиалдарымен бірігіп өз үлестерін қосуда.

Ақтау қаласында күніне 10 мыңға жуық маска тігіліп жатыр. Бұл іске қаладағы орта мектептердің технология пәнінен сабақ беретін 30-ға жуық мұғалімі жұмылдырылды. Әрқайсысы бір күнде 100 бетперде тігуді межелеп жүзеге асыруда.

Мұнайлы аудандық кәсіподақ филиалы, елімізде болып жатқан Төтенше жағдайға байланысты, адам өмірі мен денсаулығын сақтау мақсатында «Біз біргеміз!» атты қайырымдылық акциясын еріктілермен бірлесе отырып ұйымдастырды. Еріктілер тобына кәсіподақ мүшелері белсенділік танытып, медициналық бетперделер тігіп және ауыл тұрғындарына, соның ішінде аз қамтылған отбасылары мен ауылды тазалықпен қамтамасыз етіп жүрген қызметкерлерге таратып, сақтық шараларын сақтауға шақырып, ұйымшылдықпен бір адамдай белсенді қызметтерін көрсетті.Маңғыстау ауданы мектептерінің кәсіподақ мүшелері бетперде тігіп, қызметкерлеріне үлестірді және ауыл тұрғындарына тарату үшін жергілікті әкімшілікке күнделікті тапсырып отырды. Қазіргі таңда барлық тұрғындар бетпердемен қамтамасыз етілуде. Ерекше қажеттіліктері бар азаматтарға және тұрмысы төмен отбасыларға да қажетті тауарлар, оның ішінде бетперделер мен азық түліктермен қайырымдылық көмектерін көрсетуде.Қарақия ауданы бойыншада мұғалімдер, техникалық қызметкерлер ұжым болып бәрі ауыз біршілікпен белсене қатысуда. Барлығы 685 бетперде тігіліп қайырымдылық шаралары жасалуда. Соның ішінде, Құланды орта мектебі бетпердетігуге жұмыла қатысты, атап айтқанда Жарылғасова Шолпан, Ергешова Фарида, Нурмағанбетова Жазира, Бектилеуова Жазира, Бекова Айсұлу, Қарашаш, Айсұлу, Айгүл, Раушан Шораева Бибігүл, Бекимова Жанат, Сагынбаева Онайкул, Серікова Әсемгүл т.с.с. мектептің қызметкерлері. Ауыл ішіндегі мүжәлсіз отбасыларға, зейнеткерлерге таратылды. Акцияға жас мамандарда аянбай қол көмектерін көрсетуде.