Маңғыстау облыстық кәсіподақ ұйымы кеңесінің отырысы өтті
12 наурыз күні Білім және ғылым қызметкерлері кәсіподағының Маңғыстау облыстық ұйымы кеңесінің отырысы өтті. Жиында "Педагог мәртебесі туралы" ҚР Заңын іске асыру, облыстық ұйымның 2019 жылдағы орындалған жұмыстары мен бюджетінің орындалуы және 2020 жылы атқаратын негізгі шараларының жұмыс жоспарын бекіту секілді бірқатар мәселелер қаралды.
Атқарылған жұмыстар есебі мен бюджеттің орындалуын сараптай келе, 2020 жылы жүзеге асырылатын негізгі шаралардың жұмыс жоспары бекітілді.
Күн тәртібінде қаралған мәселелер бойынша «Өрлеу» МПҚ БАИ бастауыш кәсіподақ ұйымының төрайымы К.Бахтиярова мен облыстық кәсіподақ үйымының Жаңаөзен қалалық филиалының төрайымы Р.Мұхашева сауалдарын жолдап, ұсыныстарын білдірді. Пленум жұмысына бастауыш кәсіподақ ұйымының төрағалары белсене қатысты.
Жиын соңында өткен 2019 жылы жоғары жұмыс көрсеткіштерімен көзге түскен бастауыш кәсіподақ ұйымының төрағалары мен кәсіподақ мүшелері марапатталды.
«Қазақстандық салалық білім және ғылымқызметкерлері кәсіподағының
Маңғыстау облыстық ұйымы»ҚБ Баспасөз қызметі
-
Фото
-
