«ЕКІ ЖҰЛДЫЗ» өнер байқауы
Семей қаласының М.О.Әуезов атындағы педагогикалық колледжінде хакім Абайдың 175 жылдық мерейтойына орай «Әнді сүйсең менше сүй» атты «ЕКІ ЖҰЛДЫЗ» өнер байқауы өткізілді. Абай Құнанбайұлының музыкалық мұрасын насихаттау арқылы студенттердің бойында рухани-адамгершілік, имандылық қасиеттерін арттыру мақсатында өткізілген байқауды колледждің «Музыка және көркем еңбек» бірлестігі оқытушылары мен кәсіподақ ұйымы бірлесе ұйымдастырды.
Байқауға «Музыкалық білім беру» мамандығы бойынша білім алып жатқан студенттер мен колледж ұстаздары жұптасып қатысты. 12 жұп ұлы ақынның «Қарашада өмір тұр», «Айттым сәлем қаламқас», «Желсіз түнде жарық ай», «Сегіз аяқ», «Есіңде бар ма жас күнің», «Тереңдеп қарайсың», «Өзгеге көңілім тоярсың», «Тыңда мені, достарым», «Көзімнің қарасы» әндерін орындаса, физика пәнінің оқытушысы М.Мұканов пен 1 курс студенті Меллат Самғар Абайдың «Торы Жорға» күйін ойнап, көпшілік көңілінен шықты. Кәсіподақ ұйымымен бірлесе өткізілген шара соңында барлық қатысушыларға кәсіподақ ұйымы тарапынан алғыс хаттар мен сыйлықтар табысталды.
-
Фото
-
