Математика пәнінің мұғалімдері бақ сынасты
Ақтөбе облысы Әйтеке би ауданында аудандық білім қызметкерлері кәсіподағы ұйымының демеушілігімен математика пәнінің мұғалімдеріне арналған шығармашылық байқау өтті. Сайыстың мақсаты мен міндеттері: педагогтың кәсіби қызметінде жоғары нәтижелерге жетуде ұмтылысын арттыру; мұғалімдердің кәсіби дағдыларын жетілдіру, шығармашылық пен жұмыс істейтін мұғалімдерді анықтау, оларды қолдау және ынталандыру.
Шығармашылық байқауға аудандағы мектептерден 12 математика пәнінің мұғалімі қатысты. Байқау қорытындысы бойынша жүлделі 1 орын алған Еңбекту жалпы орта білім беретін мектебінің математика пәнінің мұғалімі Токин Нурболат Аманкелдіұлына көктемгі демалыс кезінде Зәру шипажайына демалуға аудандық кәсіподақ ұйымы тарапынан сертификат және қатысушыларға дипломдар және сертификаттар табысталды. Облыстық кезеңге жолдама алған Токин Нурболат Аманкелдіұлына сәттілік тілейміз! Марапаттарыңыз құтты болсын!
«Қазақстандық салалық білімжәне ғылым қызметкерлері
кәсіптікодағының Ақтөбе облыстық ұйымы» ҚБ
