Алматы облысында техникалық инспекторлардың жұмысы жанданды
«Алматы облыстық білім және ғылым қызметкерлерінің кәсіподақ ұйымы» қоғамдық бірлестігі Ескелді аудандық филиалы еңбек қауіпсіздігіне назар аударуда.
Қоғамдық бірлестік тарапынан білім беру мекемелеріндегі еңбекті қорғау және еңбек қауіпсіздік жөніндегі техникалық инспекторлардың жұмысы жиі бақыланып, өндірістік жарақаттану, жұмыс орындарында зиянды еңбек жағдайын болдырмау мақсатында жүйелі жұмыс жүргізіліп жатыр.
Ескелді аудандық кәсіподақ филиалына қарасты аудандық техникалық инспекторының 2020 жылға арналған жұмыс жоспарына сәйкес жыл басынан бері үш мекеменің жұмысы қадағаланып, әдістемелік көмек көрсетілді.
Аталған шара ағымдағы жылдың 24 ақпан күні Алдабергенов ауылындағы М.Байысов атындағы орта мектепте өтті. Оған аудандық техникалық инспекторы Рамиль Абдуллин барып, білім ордасының білім беру процесінде пайдаланылатын құрал-жабдықтары, техникалық және көрнекі оқыту құралдарының қауіпсіздігі, оқу кабинеттері, шеберханалары, спорт залыжәне мектеп асханасының санитарлық-гигиеналық жағдайынымен танысты.Мектеп директорының шаруашылық жөніндегі орынбасары Мұхтар Нұрхатов екі ауысымды білім беру ошағының жұмысын баяндады.
«Мектепте 682 оқушы білім алады. Жалпы 127 адам қызмет етеді. Оның барлығы кәсіподақ мүшесі. Олардың қауіпсіздігін бақылау үшін бейне бақылау комералары орнатылған. Өрт қауіпсіздігі орын алған жағдайда қосалқы есікпен жабдықталып, қауіпсіздік шараларына арналған құрал-жабдықтармен толық қамтамасыз етілген» -деді Мұхтар Бекбосынұлы.
Жүргізілген шара бойынша қорытындылау актісі жасалынып, білім мекемесінің басшысына ұсынымдар берілді.
«Алматы облыстық білім және ғылымқызметкерлерінің кәсіподақ
ұйымы» қоғамдық бірлестігі Ескелді аудандық филиалы
-
Фото
-
.jpg)
