Кәсіподақ мүшелері шаңғы теуіп жарысты
Шығыс Қазақстан облысы Тарбағатай ауданының білім беру қызметкерлері кәсіподақ ұйымының ұйымдастыруымен кәсіподақ мүшелері арасында шаңғы жарысы өткізілді.Салауатты өмір салтын насихаттауды, сондай-ақ кәсіподақ мүшелері арасында достық қарым-қатынасты нығайтуды мақсат еткен жарыстың ашылу салтанатына Тарбағатай ауданының білім беру қызметкерлері кәсіподақ ұйымының төрағасы С.Ахметқалиев, Ойшілік ауылының әкімі Е.Құттыбаев және мектеп директорлары мен бастауыш кәсіподақ ұйымының төрағалары қатысты.
Жарысқа мектептер мен мектепке дейінгі білім беру мекемелерінің 150-ге жуық кәсіподақ мүшесі қатысты. Жарыс соңында жас шамасына қарай жеңімпаздар анықталып, бағалы сыйлықтармен және грамоталармен марапатталды.
Шығыс Қазақстан облысы Тарбағатай ауданының
білім беру қызметкерлері кәсіподақ ұйымы
-
Фото
-
