Шалқарда психологтар күніне орай
Ақтөбе облысы Шалқар ауданының білім бөлімі мен аудандық кәсіподақ ұйымының ұйымдастыруымен 25 желтоқсан күні халықаралық психологтар күніне орай мерекелік іс-шара өтті. Аталмыш шара барысында білім бөлімінің бас маманы Л.Мурсалова білім саласында жүрген психологтардың аудандық, облыстық, республикалық көлемдегі жетістіктерін атай келе, білім бөлімі басшысының алғыс хаты мен аудандық кәсіподақ ұйымының сыйлығын және аудандық «Психологтің виртуалды кабинеті» байқауының қорытындысы бойынша жеке кәсіпкер А.Есбосыновтің демеушілігімен I-орын иеленгені үшін №5 мектеп-лицейіне 50000, ІІ-орын иеленгені үшін Т.Шанов атындағы ЖОББ мектебіне 30000, ІІІ-орын иеленгені үшін Сарықамыс негізгі орта мектебіне 10000 көлеміндегі сыйақы берілді. Сонымен қатар «Bilim foundation» қоғамдық қорының Ақтөбе облысы бойынша өңірлік басшысы М.Нургожина қатысып, өскелең ұрпақтың өмірлік түйткілдерін шешуге жанашырлық танытып, жүйелі түрде жұмыс жүргізе білген білім беру ұйымдарының бірқатар директорлары, директордың тәрбие ісі жөніндегі орынбасарлары мен мектеп психологтарына алғыс хаттар табысталып, концерттік көңіл-күймен жалғасты. Сондай-ақ, мерекелік шараны жоғары деңгейде ұйымдастырғаны үшін Оқушылар сарайы білім бөлімі басшысының Алғыс хатымен марапатталды.
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
