Жаңа жылдық іс-шара ұйымдастырылып өткізілді
Түркістан облысы, Мақтаарал ауданы білім бөлімі мен Мақтаарал аудандық білім және ғылым қызметкерлерінің кәсіподақ комитетінің ұйымдастыруымен 25 желтоқсан күні мүмкіндігі шектеулі үйде оқытылатын мектеп оқушыларына арналған жаңа жылдық іс-шара ұйымдастырылып өткізілді.
Мерекелік іс-шараның бірінші ауысымы Мырзакент өңіріне қарасты Жаңа жол, Ж.Нұрлыбаев, Еңбекші, Достық, Иіржар ауылдық окургтары мен Мырзакент кентінде орналасқан білім мекемелерінің оқушылары сағат 10:00-де №1 Мырзакент мектеп-гимназиясында, екінші ауысым Бірлік, Жамбыл, Мақтаарал, Қалыбеков ауылдық окургтары мен Атакент кентінде орналасқан білім мекемелерінің оқушылары сағат 15:00-де №5 Мақтаарал мектеп-гимназиясында өткізілді.
Мерекелік шараға Мақтаарал ауданы әкімінің орынбасары С.Сапарханов, Мақтаарал ауданы білім бөлімінің басшысы М.Серікбаев, Мақтаарал ауданы қоғамдық кеңесінің және Мақтаарал ауданы ата-аналар комитетінің төрағасы С.Мелдеханов, Мақтаарал аудандық білім және ғылым қызметкерлерінің кәсіподақ комитетінің төрағасы А.Жолдасов және мектеп басшылары мен әлеуметтік педагогтар қатысып, мүмкіндігі шектеулі үйде оқытылатын мектеп оқушыларына Мақтаарал аудандық білім және ғылым қызметкерлерінің кәсіподақ комитетінің дайындаған жаңа жылдық сыйлықтары табысталды.
Мерекелік іс-шара Қ.Жандарбеков атындағы драма-театр әртістерінің театрландырылған сахналық қойылымдарымен және мектеп оқушыларының өнерлерімен жалғасын тапты.
-
Фото
-
