МЕКТЕП ОҚУЛЫҒЫ ТАЛҚЫЛАНДЫ
Ағымдағы жылдың 24 желтоқсан күні Ғ.Сланов атындағы облыстық ғылыми-әмбебап кітапханасында «Өлке тарихы және оның өзекті мәселелері» атты дөңгелек үстел өтті. Басқосуға өлкетанушылармен бірге мектептердегі тарих пәндерінің мұғалімдері, колледж және ЖОО-ның студенттері мен магистранттары шақырылды. Мәжілісті «Сарайшық» мемлекеттік тарихи-мәдени музей-қорығы» РМҚК-нің директоры, профессор Ә.Қ. Мұқтар қысқаша сөз сөйлеп ашты. Келесі сөз алған Ш.Уәлиханов атындағы Тарих және этнология институты директоры, профессор З.Е. Қабылдинов, Абай атындағы Қазақ ұлттық педагогикалық университетінің профессоры Ғ.К. Халидуллин (Алматы), Батыс Қазақстан облыстық Жәңгір хан атындағы тарихи-этнографиялық музей меңгерушісі Н.Ж. Төлепов, Х.Досмұхамедов атындағы Атырау мемлекеттік университетінің доценті, т.ғ.д. А.Қ. Ахмет, тарихшы-ғалымдар А.Шамғонов, Ж.К. Жұмабаева, С.Сапанов, Қ.Кипеев және т.б. сөз сөйлеп, аймақтағы өлкетанудың зерттелуі мен орта мектептердегі Қазақстан тарихы оқулығының жазылуы туралы кеңірек әңгімеледі. Дөңгелек үстел барысында көптеген сұрақтар мен ұсыныстарға жауап беріліп, болашақта іс жоспарлардың шарасы жасақталатын болды.
«Ұстаздық еңбек»
-
Фото
-
