«ЖАҢА ЖЫЛ-2020» БАЛАЛАР ШЫРШАСЫ
І. Жансүгіров атындағы Жетісу мемлекеттік университеті кәсіподағының ұйымдастыруымен университет басшылығының қолдауымен 21 желтоқсан күні Б. Римова атындағы Талдықорған драма театрында мерекелік шырша өтті. Балалар шыршасына университет кәсіподағының төрағасы Е.С. Хаймулданов қатысып ата-аналар мен балаларды келе жатқан Жаңа жылмен құттықтады. Мерекелік шыршаға білім ордасының оқытушы-профессорлар құрамының және қызметкерлерінің 200-ден аса балалары қатысты. Балалар алдымен «Сиқырлы айна немесе аяз атаға сыйлық» ертегісін тамашалап, жасыл шырша маңында мерекені жалғастырды. Аяз ата мен Ақшақарға ән-жырларын айтып, түрлі сыйлықтар алды. Ертегі кейіпкерлерімен де кездесіп, үлкен әсерге бөленді. Жүздерінен қуаныш лебі ескен бүлдіршіндер шыршаны айналып ән салды. Балаларына көңілді мереке ұйымдастырғаны үшін ата-аналар университет кәсіподағына алғыстарын білдірді.
І. Жансүгіров атындағы Жетісу мемлекеттік
университетінің кәсіподағы
-
Фото
-
