Кәсіподақ мүшелері арасында волейболдан жарыс өтті
Қазақ елінде Тәуелсіздік туының желбірегеніне 28 жыл толды. Осыған орай, «Алматы облыстық білім және ғылым қызметкерлері кәсіподақ ұйымы» қоғамдық бірлестігі Алакөл аудандық филиалы мен Алакөл аудандық білім бөлімі бірлесіп, ұстаздар арасында волейболдан жарыс өткізді.
Жарыстың салтанатты ашылуы Абай атындағы қазақ орта мектебінде ұйымдастырылып, қатысушылар төрт топқа бөлініп, Үшарал қазақ гимназиясы, Үшарал №1 орта мектебі,С. Иманасов атындағы орта мектебі және Абай атындағы қазақ орта мектебінің базасында өзара бақтарын сынады.
Аталған шараға аудан көлеміндегі білім беру мекемелерінің қызметкерлерінен құралған 32 команда қатысты. Ақтық сынға шыққан командалар әдемі ойын көрсетіп, шын жүйріктерді анықтады.
Жүзден жүйрік шығып, бірінші орынды Үшарал №1 орта мектебі еншілеп, аудандық білім бөлімінің ауыспалы кубогын жеңіп алды. Ал, екінші және үшінші орынды С.Иманасов атындағы орта мектебі мен М.Төлебаев атындағы орта мектебінің ұстаздары бөлісті.
Шара соңында Алакөл аудандық филиалының төрағасы Кенжебек Алпысбаев барлық кәсіподақ мүшелерін Тәуелсіздік күні мерекесімен құттықтап, шараның жоғарғы деңгейде өткенін жеткізіп, жеңімпаздарға аудандық кәсіподақ филиалының бағалы сыйлығын табыс етті.
Сонымен қатар, волейбол жарыс ұйымдастыруға және өткізуге атсалысқан барлық кәсіподақ мүшелеріне алғысын білдірді.
К.Алпысбаев,«Алматы облыстық білім және ғылымқызметкерлері
кәсіподақ ұйымы» қоғамдықбірлестігі Алакөл аудандық филиалының төрағасы
-
Фото
-
