«Тәні саудың - Жаны сау»
Маңғыстау облысының білім басқармасының, «Қазақстандық салалық білім және ғылым қызметкерлері кәсіподағының Маңғыстау облыстық ұйымы» ҚБ-нің ұйымдастыруымен Yessenov University спорт кешенінде ҚР Тәуелсіздігі күні мерекесіне арналған Білім саласы қызметкерлерінің Спартакиадасы өтті.
Спартакиада қатысушылары волейбол, үстел теннисі, шахмат, тоғызқұмалақ, суға жүзу бойынша сынға түсті. Спартакиадаға Маңғыстау облысының білім басқармасының құрама командасы, Ақтау қаласы колледждер құрамасы, Жаңаөзен қаласы колледждер құрамасы, Бейнеу ауданы колледждер құрамасы, Назарбаев зияткерлік мектебі, Білім инновация лицейі, Мұнайлы ауданы білім бөлімі, Yessenov University және Интелектум элиталық мектеп лицейі болып 9 команда, 200 - ден астам білім саласы қызметкерлері қатысты.
Спартакиада қорытындысы бойынша Yessenov University — 1 орын, Назарбаев Зияткерлік мектебі — 2 орын, Ақтау қаласы колледждер құрамасы — 3 орынды иеленді.
Жеңімпаздарды Маңғыстау облысының білім басқармасының басшысы Асқар Әбиұлы Сейдалиев және облыстық кәсіподақ ұйымының атынан ұйымдастыру қызметтері жөніндегі маманы Асылтас Базарбайқызы Аманиязова кубок, медальдармен және диплом грамоталармен марапаттады.
«Қазақстандық салалық білім және ғылым қызметкерлері кәсіптік одағының
Маңғыстау облыстық ұйымы» ҚБ
-
Фото
-
