.JPG)
БАТЫС ҚАЗАҚСТАН ОБЛЫСТЫҚ КӘСІПОДАҚ ҰЙЫМЫ ҚР ТӘУЕЛСІЗДІК КҮНІНЕ ОРАЙ КӘСІПОДАҚ БЕЛСЕНДІЛЕРІН МАРАПАТТАДЫ
11 желтоқсан күні Батыс Қазақстан облысының Достық үйінде Қазақстан Республикасының Тәуелсіздік күні мерекесінің қарсаңында дөңгелек үстел және кәсіподақ белсенділерін марапаттау рәсімі өткізілді. Шараға Батыс Қазақстан облысы әкімінің орынбасары Серік Егізбаев, әлеуметтік әріптестер, кәсіподақ ардагерлері, облыстағы және аудандардағы кәсіподақ ұйымдарының жетекшілері мен белсенділері қатысты.
Салтанатты жиын барысында Батыс Қазақстан облыс әкімінің орынбасары барша қауымды Тәуелсіздік мерекесімен құттықтап, кәсіподақ қозғалысының қалыптасуына және дамуына қосқан зор үлесі үшін № 44 жалпы орта білім беретін мектебінің басшысы Ақжарқын Темірханованы облыс әкімі Ғали Есқалиевтің алғыс хатымен және БҚО кәсіподақтар орталығының төрайымы Айгүл Есекенова Бөрлі аудандық кәсіподақ ұйымының төрайымы Асел Имашеваны құрмет грамотасымен марапаттады.
Сонымен қатар, өңірдегі кәсіподақ саласындағы қажырлы еңбектері үшін мемлекетіміздің Тәуелсіздігі мерекесі қарсаңында облыстық кәсіподақ төрағасы Марат Даупаев бір топ білім саласындағы кәсіподақ белсенділерін құттықтады.
Атап айтқанда «Қазақстандық салалық білім және ғылым қызметкерлерінің кәсіподағына сіңірген еңбегі үшін» төсбелгісімен көп жылдар кәсіподақ төрағасы болған ардагер ұстаз, белсенді журналист Социал Пұсырманов, Жаңақала колледжінің басшысы Серік Жәрдемалиев марапатталды.
Білім және ғылым Министрлігінің құрмет грамоталарыменоблыстық көру қабілеті бұзылғанбалаларға арналғанарнаулы мектеп интернатының басшысы Арыстанбек Ғұбаш, Абзал Наурызбаев марапатталып, «Үздік дене шынықтыру мұғалімі – 2019» республикалық байқауының бас жүлдесін иеленгені үшін Абзал Наурызбаевқа және оның жетекшісі Шыңғырлау аудандық Тихоненко жалпы орта білім беретін мектебінің басшысы Қайрат Каукеевке «Сарыағаш» шипажайына тегін жолдамалар табыстады.
Батыс Қазақстан облыстық білім және ғылым қызметкерлерінің кәсіподағы
-
Фото
-
.JPG)
.JPG)
.JPG)
