«Ұстазым менің ұстазым!»
«Қазақстандық салалық білім және ғылым қызметкерлерінің Маңғыстау облысытық кәсіптік одағы»Қоғамдық Бірлестігінің Мұнайлы аудандық филиалы 10.12.2019 жылы №3 орта мектепте ұлағатты ұстаз Хайрмеденова Роза Тулегеновнаның зейнет жасқа толу мерекесіне орай «Ұстазым менің ұстазым» атты шығармашылық кешті ұйымдастырып өткізді.
Шараға аудандық білім бөлімінің басшысы Есен Овезов, білім үйлестіру орталығының бастауыш сыныптардың әдіскері Жібек Аюпова, мектеп директоры және мектеп мұғалімдері қатысты.
Мектеп белсенділері өз өнерлерін көрсете отырып, шығармашылық кештің қызықты да көңілді өтуіне жағдай жасады. Ал халқымыз: “Жақсының жақсылығын айт, нұры тасысын!” – деп тегін айтпаған ғой.
Бастауыш кәсіподақ ұйымының мүшесі - Хайрмеденова Роза Тулегеновна 36 жыл үзіліссіз жас ұрпаққа сапалы білім, саналы тәрбие беруде қажымас қайратымен, өнегелі үлгісімен, жаңашылдық жолымен, адамгершілік қасиетімен, қоғамдық жұмысымен, ұстаздық жолын көрсете отырып, жас бүлдіршіндерге сабақ беріп және директордың оқу ісі меңгерушісі қызметін қоса атқарып, аталған мектепте педагог қызметін жалғастырып келеді.
Қызметіне көп жылдарын арнаған әрбір адам үшін зейнеткерлікке шығу - өте маңызды және көңіл толқытарлық сәт. Бұл сәт тек қана адал еңбегімен өмір сүрген адамның мақтанышты көңіл-күйіне толы болса да, оның жұмыс ұжымымен қоштасуымен ұштасқан жабырқаулы күйімен де ерекшеленеді.
Өмір жолының белгілі бір сатысына қорытынды жасай отырып, өмірдің өзгеше бір жаңа сатысына бет бұру болып табылады.
Сондықтан да жаны жайсаң педагог әріптесіміздің зейнеткерлікке шыққан мерейтойымен шын жүректен құттықтап, өмір жасының ұзақтығын, бақытының баяндылығын тілей отыра аудандық кәсіподақ ұйымы атынан бағалы сыйлық табысталды.
Маңғыстау облысы, Мұнайлы аудандық
кәсіподақ филиалы төрайымы Р.Н.Текеева
-
Фото
-
