ЗОРЛЫҚ-ЗОМБЫЛЫҚСЫЗ 16 КҮН
Біріккен ұлттар ұйымының Бас Ассамблеясымен бекітілген Халықаралық «Әйелдерге қатысты зорлық-зомбылыққа қарсы күрес!» күніне орай Жамбыл облысы Сарысу ауданының барлық білім мекемелерінде 25 қараша мен 10 желтоқсан күндері аралығында бірқатар іс-шаралар өтті.
Әйелдерге қатысты зорлық-зомбылыққа жол бермеу мен оның алдын-алуға, әйелдердің өздерінің құқықтық сауаттылығын арттыруға бағытталған шаралардың қорытынды жиыны аудандық білім бөлімінің мәжіліс залында жұмыс берушілер мен бастауыш кәсіподақ ұйымдары төрағаларының қатысуымен өтті. Аталған жиында «Әйелдерге қатысты зорлық-зомбылықты түбегейлі жою туралы» декларация мәтіні таныстырылып, үйдегі зорлық-зомбылық, азаптаулар мен басқа да қатыгез, адамгершілікке жатпайтын іс әрекеттер туралы баяндама жасалды, ақпараттық парақшалар таратылды.
Қоғам болып зомбылықты болдырмау, оны түбегейлі жоюға атсалысуға шақырған бастауыш ұйым төрағалары түрлі фактілерді мысалға келтіріп, ұлтымызға жат әдетті жанұяларда болдырмаудың жолдарын қарастырды. Оларға әрдайым психологиялық, заңдық, медициналық тұрғыдан көмек көрсетіп отыруды кәсіподақ ұйымдары өз жауапкершілігіне ала отырып, мұндай шараларды жыл бойы ұдайы ұйымдастырып тұруға сөз байласты.
Перизат БАҚЫТ,
ЖАМБЫЛ облысы
-
Фото
-
