Әйтеке бидегі шахматтан турнир
«Қазақстандық салалық білім және ғылым қызметкерлері кәсіптік одағының Ақтөбе облыстық ұйымы» қоғамдық бірлестігінің Қазақстан Республикасының Тұңғыш Президенті және ҚР Тәуелсіздік күніне орай іс-шаралар жоспарына сәйкес Әйтеке би ауданы білім қызметкерлерінің кәсіподақ ұйымының ұйымдастыруымен жас педагогтар арасында шахматтан турнир өткізілді. Жарыстың мақсаты: Педагогтар арасында салауатты өмір салтын насихаттау, шахмат ойынын дамыту. Шараның ашылуында аудан әкімінің орынбасары Н.Нажмадинов, білім бөлімнің басшысы Қ.Жарымбетов, кәсіподақ ұйымының төрағасы З.Бекетов жас педагогтарды құттықтап, сәттілік тіледі. Жарысқа 13 мектептен 27 жас педагогтар қатысты. Турнир қорытындысы бойынша Еңбекту орта мектебі 1-орын, Т.Шевченко атындағы орта мектеп 2-орын, М.Жұмабаев атындағы орта мектеп 3-орын иеленді. Жекелей сында ер балалар арсында 1 орын алған Т.Шевченко атындағы орта мектебінің мұғалімі Ә.Қаршигинге, қыз балалар арасында 1-орын алған М.Жұмабаев атындағы орта мектебінің мұғалімі М.Досжановаға шипажайда демалуға сертификат. 2-3-орын иегерлеріне Диплом, медаль, ақшалай сыйлықтар табысталды. Жеңімпаз ұстаздарға кәсіби даму мен шығармашылық табыс тілейміз.
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
