БАТЫС ҚАЗАҚСТАН ОБЛЫСЫ, СЫРЫМ АУДАНЫНЫҢ ЖЫРАҚҰДЫҚ ОРТА МЕКТЕБІНДЕ БАСТАУЫШ КӘСІПОДАҚ ҰЙЫМЫНЫҢ ҰЙЫМДАСТЫРУЫМЕН АБАЙ ОҚУЛАРЫ БАЙҚАУЫ ӨТКІЗІЛДІ
БҚО, Сырым ауданының жалпы білім беретін Жырақұдық орта мектебінде бастауыш кәсіподақ ұйымының ұйымдастыруымен ұстаздар мен қызметкерлер арасында ұлы ақын, композитор, философ Абай Құнанбайұлының 175 жылдық мерейтойына орай Абай оқулары байқауы өткізілді. Ұлыақынның даналығын, рухани асыл-мұраларын насихаттап, өлеңдерін, әндерін мәнерлеп айтып, көркем сөйлеуге, шығармашылықпен жұмыс істеуге бағыттау мақсатында өткізілген байқауға 13 мұғалім және 4 қызметкер қатысты.
Байқау 2 бөлім бойынша өткізілді. «Өлең - сөздің патшасы, сөз сарасы» бөлімінде ұлы ақынның «Қалың елім, қазағым, қайран жұртым», «Әсемпаз болма әрнеге», «Сенбе жұртқа тұрса да қанша мақтап», «Алланың өзі де рас, сөзі де рас», «Өлсе өлер табиғат, адам өлмес», «Өкінішті көп өмір өткен өтіп», «Күз», «Жарқ етпес қара көңілім не қылса да», «Өлең – сөздің патшасы, сөз сарасы» өлеңдерін және «Татьянаның Онегинге жазған хаты» аудармасынан үзіндіні мәнерлеп жатқа оқыды. Ал, «Құлақтан кіріп, бойды алар» екінші бөлімінде «Көзімнің қарасы», «Желіз түнде жарық ай», «Өзгеге көңілім тоярсың», «Айттым сәлем қаламқас» әндері орындалды.
Байқауға 17 қатысушы қатысып, барлығы да марапатталып, кәсіподақ ұйымы атынансыйлықтар табыс етілді.
-
Фото
-
