Аягөз аудандық білім және ғылым қызметкерлері кәсіподақ комитетінің аудандық семинары
Аягөз аудандық білім және ғылым қызметкерлері кәсіподақ комитетінің ұйымдастыруымен «№9 аралас бастауыш мектеп» КММ-де «Кәсіподақ ұйымдарының қызмет бағыттарының негізінде тәжірибе алмасу және оның кәсіподақ белсенділігіне ынталандыруға ықпалы» атты аудандық семинар өтті. Семинарға аудандық білім мекемелерінің кәсіподақ ұйымдарының төрағалары мен төрайымдары, Семей аймақтық кәсіподақ ұйымының қызметкерлері қатысып, пікір алмасты.
«Қалалық қазақ мектеп лицейі» КММ-де «ҚР Тәуелсіздік күні» мерекесіне арналған аймақтық аудан аралық волейбол жарысы семинардың жалғасы болып табылды. Жарысқа Абай, Жарма, Үржар ауданының командалары қатысты. Ашылу салтанатында аудандық білім бөлімі басшысының орынбасары Н. Көбжасаров, Семей аймақтық кәсіподақ ұйымының төрағасы С.Ибраев қатысушыларды мерекелерімен құттықтап, командаларға сәттілік тіледі.
Тартымды ойындардың нәтижесінде І орынды Жарма, ІІ орынды Аягөз, ІІІ орынды Абай ауданының командалары иеленді.
Барлық жүлдегерлер мен жеңімпаздар және үздік өнер көрсеткен ойыншылар Аягөз аудандық білім және ғылым беру қызметкерлері кәсіподақ комитетінің кубоктарымен, медальдарымен, бағалы сыйлықтармен марапатталды.
Аягөз аудандық білім және ғылымберу қызметкерлері
кәсіподақ комитетінің төрайымы С. Ещанова
-
Фото
-
