Аумақтық ұйымдардың жаңалықтары

Махамбет ауданындағы орта мектептерде бастауыш кәсіподақ ұйымдарының бастамасымен «Әйелдерге қатысты зорлық – зомбылықты жоюдың Халқаралық күніне» байланысты бірнеше шаралар өтті. Оның мақсаты әйел қызметкерлердің құқықтық сауаттылықты ашу, өз арларын таптатпау, өз ойларын ашық айтуға жол көрсету, Отбасындағы зорлық-зомбылыққа жол бермеу. Талдыкөл орта мектебінде өткен шарада кәсіподақ төрайымы Г.Ғабдиева зорлықтың түрлерімен таныстырып, тұрмыстық зорлық-зомбылық профилактикасы туралы Қазақстан Республикасының заңының баптарымен таныстырып өтті. Басқосуға қатысушылар өз ойларымен бөлісіп, пікірлерін ортаға салды. Шара сонында қатысушылар Заң сөздікшесімен танысып көкжиектерін байытты.
Сондай-ақ, Алға орта мектебінде де өткен «Әйелдерге қатысты зорлық-зомбылықты жоюдың» халықаралық күніне байланысты өткен іс-шара болашақ әйелдер мен қыздарға қатысты зорлық-зомбылықтан азат болу қозғалысын қолдауға арналды. Ұжым мүшелеріне бастауыш кәсіподақ ұйым төрағасы Қ.Таңатар жалпы елімізде болып жатқан зорлық-зомбылықтар туралы слайд бойынша ақпараттар беріп, бейнеролик көрсетілді.
Ұжым мүшелері өз ойларын айтып, пікір бөлісті. Ұлтымыздың қалыптасқан дәстүрлеріне сәйкес қазақ қоғамы бұрыннан әйел затына,анаға зор құрметпен қарайды. Кемеңгер жазушы Мұхтар Омарханұлы Әуезов «Адамдықтың негізі – әйел» деген. Егер отағасы әйелді бағаласа, дүниеде әйелден өткен мейірімді адам жоқ. Өйткені оның жаратылысы нәзік. Аяласаң гүлдей жайнайды, аямасаң көктей солады. Ендеше осындай аяулы жартылыстың қадірін біліп, отбасындағы зорлық-зомбылыққа жол бермейік. Бұл бәріміздің ортақ міндетіміз деген тұжырымға келді.

Қылышбай ҚҰЛЖАНОВ