«Менің Тұңғыш президентім» атты таңғажайып алаңының ақпарламасы
«Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Мұнайлы аудандық кәсіптік одағының және аудандық білім бөлімі, білім ұйлестіру орталығымен бірлесе отырып, 2019 жылы 28 қараша күні білім беру ұйымдарының бастауыш сыныптарының меңгерушілері мен мектепке дейінгі ұйымдардың әдіскерлерінің логикалық ойлау қабілеттерін арттыру және тұңғыш президентіміз Н.Ә.Назарбаевтің еңбек жолын дәріптеу мақсатында №9 «Бәйтерек» балабақшасы базасында «Менің Тұңғыш президентім» атты таңғажайып алаң ток шоуы өткізілді. Сұраныс бойынша барлық білім беру ұйымдарынан 30 педагог пен олардың жанкүйерлері белсене қатысты. Таңғажайып алаңды балабақша бүлдіршіндері өз өнерлерімен ашып берді және келген қонақтарға жақсы көңіл-күй сыйлады.Таңғажайып алаңға қатысушылар тұңғыш президент Н.Ә.Назарбаевтың өмір тарихы мен еңбек жолына арналған тапсырмаларды қызығушылықпен орындап, жүргізуші Л.Якубовичтің қойған талаптары ток шоуды одан қызықтырды. Ток шоу үш турдан тұрды, супер ойынға №4 орта мектептің бастауыш сыныбының меңгерушісі Қарлығаш Толегенова берілген сұрақтарға нақты жауап беріп, өзінің ізденісінің жоғары екенін көрсете білді. Ток шоу соңында қатысушылар мерекеге орай бір-біріне жылы лебіздерін білдіріп, жақсы тілектер мен тұңғыш президент Н.Ә.Назарбаевтің «Елім менің» әнін айтты. Ток шоуға қатысқан барлық қатысушыларға Мұнайлы аудандық филиалынан бағалы сыйлықтар үлестірілді.
Мұнайлы аудандық кәсіподақ филиалы төрайымы Р.Н.Текеева
-
Фото
-
