Түркістан облыстық ұйымы Қоғамдық бірлестігі атқару комитетінің кеңейтілген мәжілісі өтті
2019 жылғы 22 қыркүйек күні «Қазақстандық салалық білім және ғылым қызметкерлері кәсіптік одағының Түркістан облыстық ұйымы» Қоғамдық бірлестігі атқару комитетінің кеңейтілген мәжілісі өтті .
Атқару комитетінің кеңейтілген мәжілісіне атқару комитеті мүшелері, облыстық кәсіподақ ұйымы филиалдарының төрағалары, кәсіподақ активі қатысты.
Атқару комитетінің мәжілісін облыстық кәсіподақ комитетінің төрағасы Б.Еркінбек ашып, жүргізіп отырды.
Облыстық кәсіподақ ұйымы атқару комитетінің кеңейтілген мәжілісінде төмендегі мәселелер қаралды:
-«Сайрам аудандық кәсіподақ комитетінің ҚР Еңбек кодексіне сәйкес, өндірістік кеңестер, келісу комиссиялары мен еңбекті қорғау жөніндегі техникалық инспекторлар жұмысын ұйымдастыру, практикалық көмек көрсету жөніндегі жұмыстары туралы»;
- «Облыстық кәсіподақ комитетінің Жастар жылына байланысты ұйымдастырған «Үздік жас кәсіподақ жетекшісі», «Үздік студенттік кәсіподақ ұйымы», «Үздік студенттік жатақхана» байқауларының қорытындысына сәйкес жеңімпаздарды марапаттау туралы»;
- Түркістан облыстық кәсіподақ комитетінің «Қазақстандық салалық білім және ғылым қызметкерлері кәсіптік одағы» ҚБ XIV съезі шешімдері мен материалдарын насихаттау және жүзеге асыру жөніндегі іс-шаралар жоспары жайлы»;
- Облыстық кәсіподақ комитетінің «Үздік әлеуметтік әріптес», «Белсенді оқыту – кәсіподақ жұмысының тиімділігі», Ұлы Жеңістің 75 жылдығына орай студент жастар арасында «Ерлік елге мұра, ұрпаққа ұран» облыстық байқауларын өткізу туралы және ішкі кәсіподақ жұмысына байланысты мәселелер қаралды.
Мәселелерді қарау барысында Сайрам аудандық кәсіподақ комитетінің ҚР Еңбек кодексіне сәйкес, өндірістік кеңестер, келісу комиссиялары мен еңбекті қорғау жөніндегі техникалық инспекторлар жұмысын ұйымдастыру, практикалық көмек көрсету жөніндегі жақсы жұмыстары атап көрсетіліп, кемшіліктер де айтылды, орындау жөніндегі кеңестер беріліп тиісті қаулы қабылданды.
Облыстық кәсіподақ комитетінің Жастар жылына байланысты ұйымдастырған «Үздік жас кәсіподақ жетекшісі», «Үздік студенттік кәсіподақ ұйымы», «Үздік студенттік жатақхана» байқауларының қорытындысы бойынша жеңімпаздарға облыстық кәсіподақ комитетінің Дипломдары, Алғыс хаттары, номинациялар бойынша статуэткалар мен ақшалай және бағалы сыйлықтар тапсырылды.
Күн тәртібінде қаралған «Қазақстандық салалық білім және ғылым қызметкерлері кәсіптік одағы» ҚБ XIV съезі шешімдері мен материалдарын насихаттау және жүзеге асыру жөніндегі іс-шаралар жоспары талқыланып, бекітілді.
Облыстық кәсіподақ комитетінің «Үздік әлеуметтік әріптес», «Белсенді оқыту – кәсіподақ жұмысының тиімділігі», Ұлы Жеңістің 75 жылдығына орай студент жастар арасында «Ерлік елге мұра, ұрпаққа ұран» облыстық байқауларын өткізу туралы ережелер жобалары талқыланып, қосымшалар мен өзгерістерді ескере отырып, қабылданды.
Атқару комитетінің кеңейтілген мәжілісіндегі қаралған мәселереді талқылау барысында кәсіподақ активі тарапынан айтылған ұсыныстар жинақталып, Қазақстандық салалық кәсіподақтың Орталық кеңесіне, Түркістан облыстық адами әлеуетті дамыту басқармасына жіберілетін болды.
Түркістан облыстық кәсіподақ комитетінің баспасөз қызметі
-
Фото
-
