.jpg)
Шалқардағы Үздік жыл тәрбиешісі
Ағымдағы жылдың 20 қарашасы күні Ақтөбе облысы Шалқар ауданында аудандық мектепке дейінгі ұйым тәрбиешілеріне арналған «Үздік жыл тәрбиешісі» кәсіби байқауы өтті. Байқауға мектепке дейінгі ұйымдардан педагогикалық еңбек өтілі 5 жылдан кем емес 17 тәрбиеші қатысты. Өткізілген байқаудың негізгі мақсаты: қоғамда мектепке дейінгі ұйым тәрбиешісі мамандығы туралы жағымды көзқарас қалыптастыру, шығармашылықпен жұмыс жасайтын талантты педагогтарға қолдау көрсету және ең үздік тәрбиешілердің инновациялық тәжірибелерін тарату. Байқау бағдарламасы «Өз мамандығым - өмірімнің қалауы» және «Балалар шығармашылық әлемі» атты екі турдан тұрды. Нәтижесінде Нұр-Тілек балабақшасының тәрбиешісі Аманғожина Асем бас жүлдеге ие болды. Байқау соңында жүлделі орындар мен номинацияларға ие болған қатысушыларға кәсіподақ ұйымы тарапынан бағалы сыйлықтар табысталды.
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
