ЖАСТАР ЖЫЛЫ ҚОРЫТЫЛАНДЫ
Ағымдағы жылдың 15 қарашасы күні Махамбет ауданындағы Береке орта мектебінде «Жарқын болашақ жастармен» атты шара өтті. Ауданның білім беру мекемелерінде еңбек етіп жүрген 100-ден астам жастар басқосуын «Қазақстандық салалық білім және ғылым қызметкерлері кәсіптік одағы Атырау облыстық ұйымының Махамбет аудандық комитеті» филиалының төрайымы И.Н. Алмурзина кіріспе сөз сөйлеп ашты. Содан кейін Жастар жылы аясында кәсіподақ ұйымдарының басшылығымен жүзеге асырылған жұмыстарға арналған 7-8 минуттық бейнебаян тамашаланды.
Жиналыста Қосарал орта мектебінің бастауыш сынып мұғалімі З.А. Мұхамбетжанова, Алмалы орта мектебінің бастауыш кәсіподақ ұйымының төрайымы Э.Жұмағұлова сөз сөйледі. «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ төрағасы Қ.Сүндетұлы бір топ жас ұстаздарға Орталық және облыстық ұйымның марапаттарын тапсырды.
Кеш соңы аудан жастарының концертіне ұласты.
Сандуғаш ҚАПСИХОВА, «Ұстаздық еңбек»
-
Фото
-
