Шалқардағы спартакиада
22 қазан күні Ақтөбе облысы Шалқар ауданында аудандық кәсіподақ ұйымының демеушілігімен№2 БЖСМ базасында дәстүрлі мұғалімдер спартакиадасының қорытынды шарасы болып өтті.
Аудандық мұғалімдер спартакиадасы 28.09.2019-22.10.2019 жыл аралығында спорттың 3 түрі бойынша (волейбол (қыздар), футбол (ерлер), баскетбол) жалғасын тапты. Спорттық шараға білім беру ұйымдарынан 28 командадан 401 мұғалім қатысты. Аудандық кәсіподақ ұйымының төрайымы Махат Гүлзира қатысушыларды құттықтап, шара бойынша жалпы командалық есепте І орын алған №1 мектеп-гимназия командасын, ІІ орын №8 ЖОББМ командасын, ІІІ орын №3 ЖОББМ командасын, ауыспалы кубок иегері атанған №1 мектеп-гимназия командасынақшалай сыйлық, диплом және бағалы сыйлықтармен марапаттады.
Аталған шарада ҚР Білім және Ғылым министрлігінің алғыс хатымен №2 мектеп-гимназиясының дене тәрбиесі пәнінің мұғалімі Е.Оспан және облыстық мұғалімдер спартакиадасынан жүлделі орын алған «Баскетбол», «Футбол» құрама командаларын әдістемелік құрылымдық бөлімше меңгерушісі Жанайдар Құдайбергенов спорттық медальдар, грамота және кубоктармен марапаттады.
«Қазақстандық салалық білімжәне ғылым қызметкерлері
кәсіптікодағының Ақтөбе облыстық ұйымы» ҚБ
