Аумақтық ұйымдардың жаңалықтары

2019 жылғы 23 қазанда Қазақстан Республикасының Ұлттық академиялық кітапханасының «Шаңырақ» балалар шығармашылығын дамыту орталығында адамгершілік-патриоттық тәрбие кластерінің ұйымдастыруымен «Абай – дана, Абай – дара» атты әдеби шығармашылық кеш өтті. Нұр-Сұлтан қаласының №24 «Айналайын» балабақшасы, №6 «Көктем» балабақшасы, №13 «Тұлпар» балабақшасы, №58 «Өркен» балабақшасы, №71 «Мөлдір» балабақшасы, сонымен қатар №50 «Қазғарыш» мектеп – лицейі қатысты. Кеш барысында балабақша бүлдіршіндері мен мектеп оқушылары, ата-аналар мен ұастаздар қауымы Абайдың рухани әлеміне саяхаттап, өлеңдері мен қара сөздерін мәнерлеп оқып, әндерін орындап өнерлерін көрсетті. Әдеби кешке арнайы шықырылған қонақтар: Нұр-Сұлтан қаласының Білім беру жаңғырту орталығының директоры Г.Ибраева, ҚР жазушылар одағының мүшесі О.Жанайдаров, «Әділет» білім беру қызметкерлерінің кәсіптік одағының төрағасының орынбасары Б.Наурузбаева кеш қатысушыларына ақ тілктерін айтып, осындай іс-шараның маңыздылығының жоғары екендігін атап өтті. Сондай-ақ балабақша бүлдіршіндері Абай шығармаларының мазмұнына суреттерін салып, «Сиқырлы қылқалам» атты суреттер көрмесін ұйымдастырды. Кеш соңында барлық қатысушылар алғыс хаттармен марапатталды.