Кербұлақ ауданында «Ең үздік бастауыш кәсіподақ ұйымы» анықталды
Ағымдағы жылдың 17 қазан күні Алматы облыстық білім және ғылым қызметкерлері кәсіподақ ұйымына қарасты Кербұлақ аудандық филиалы «Ең үздік бастауыш кәсіподақ ұйымы» байқауының іріктеу кезеңін өткізді.
Шара барысында аудандық кәсіподақ филиалының төрағасы Жақан Дуанаев байқау ережесімен таныстырып, бұғанға дейін барлық бастауыш кәсіподақ ұйымдарының құжаттары қаралып, кәсіподақ бұрыштарының барын және кабинеттердің жабдықталғанын бақылағанын айтып, қатысушыларға сәттілік тіледі.
Байқауға аудандық білім беру мекемелерінен 25 кәсіподақ төрағасы өтініш білдіріп, аталған шара барысында ережеге сәйкес берілген уақыт ішінде мүшелерінің құқығын қорғау, еңбек қауіпсіздігін қадағалап, түскен өтінішті заң аясында шешу және мәдени-көпшілік шараларды ұйымдастыру сында атқарған жұмыстарын слайд түрінде көпшілік назарына ұсынып, баяндап берді.
Шарада аудандық кәсіподақ филиалының төрағасы Жақан Ноғайбайұлы, аудандық білім бөлімінің сектор меңгерушісі Салтанат Имуханбетова, облыстық кәсіподақ ұйымының бас маманы Маржан Жұмабек, сала ардагері Жақан Малтабаров, жастар Кеңесінің төрағасы Олжас Наурызбаев қазылар алқасының құрамына еніп, қатысушылардың өнерін бағалады.
Жүзден жүйрік шығып, І орынды №49 орта мектебі бастауыш кәсіподақ ұйымының төрағасы Бақытгүл Лабилданова иеленіп, облыстық деңгейде өтілетін байқауға жолдама алды.
Ал, ІІ орынды Қарашоқы орта мектебі бастауыш кәсіподақ ұйымының төрағасы Күләй Жантемірова, ІІІ орынды Сарыбұлақ және Күреңбел қазақ орта мектептеріндегі бастауыш кәсіподақ төрағалары Сәуле Изгутиева, Жанайдар Дюсенбеков еншіледі.
Жеңімпаздар Кербұлақ аудандық кәсіподақ филиалының дипломы және бағалы сыйлығымен марапатталды.
Алматы облыстық білім және ғылым қызметкерлері
кәсіподақ ұйымының баспасөз қызметі
-
Фото
-
