Павлодар қаласы білім беру қызметкерлерінің кәсіподақ көшбасшыларының кездесуі өтті
2019 жылы 10 қазанда № 41 ЖОМ-да Павлодар қаласы білім беру қызметкерлерінің кәсіподақ көшбасшыларының кездесуі өтті.
Қалалық филиал төрайымы С. Ш. Сеитова әріптестерін Қазақстан Республикасының кәсіптік одақтары күнімен құттықтап, мемлекет басшысының Қазақстан халқына Жолдауында айтылған әлеуметтік бағдарламаларды жүзеге асыру бойынша кәсіподақтардың алдағы міндеттеріне тоқталды. Бастапқы кәсіподақ ұйым төрағаларының назарына әлеуметтік әріптестік тетіктерін жетілдіру жөніндегі жұмыстың маңызды бағыттары, жеке еңбек жанжалдарының алдын алу, шешу және қызметкерлердің еңбек жағдайларын жақсарту жөніндегі жұмыстар туралы айтылды. Кездесу кәсіподақ қозғалысының белсенділерін марапаттаумен және мерекелік концертпен аяқталды.
