Аумақтық ұйымдардың жаңалықтары

Қазан айындағы Ұстаздар мерекесі қарсаңында Сырым аудандық кәсіподақ комитетінің ұйымдастыруымен білім саласында 30 жылдан аса тер төккен педагогтар марапатталды.
Атап айтсақ, Сырым аудандық білім беру бөлімінің МКҚК «Балдырған» балабақшасының ұжымын ұзақ жылдар бойы басқарып келген, білімді де, білікті басшысы Ғ.М.Балпысова, тәжірибелі педагогтар – Н.А.Шайхиева, С.М.Зияхметова және музыка жетекшісі М.Т.Нурмуханов сынды педагогтар Сырым аудандық кәсіподақ ұйымының Алғыс хаттарымен марапатталды.
Сондай-ақ, 10 қазан Кәсіподақтар күніне орай 30 жылдан артық кәсіподақ мүшесі болып, еліне адал қызмет етіп келген осы мекеменің қызметкерлері де назардан тыс қалмады. Айталық, Б.Кайргожин мен Г.Абдрахманова Сырым аудандық білім беру қызметкерлері кәсіподағы ұйымының Алғыс хаттарымен марапатталды. Марапатталған қызметкерлердің барлығына да Ұстаздар күні мерекесіне арналған мерекелік отырыс ұйымдастырылып, «Балдырған» балабақшасы кәсіподақ ұйымының атынан ақшалай сыйақы берілді.
Осы орайда, білім саласындағы педагогтардың еңбектерін еленіп, осындай шараларды ұйымдастыруға бастау болып жүрген Сырым аудандық білім беру қызметкерлері кәсіподақ ұйымының төрайымы Ляззат Сакенқызына «Балдырған» балабақшасы ұжымы үлкен ризашылығын білдірді.

«Балдырған» балабақшасының кәсіподақ комитетінің төрайымы Р.У.Жанклишева.
Сырым аудандық «Жастар қанат» төрайымы В.М.Тулекова