СЫР ҰСТАЗДАРЫ СПОРТТЫҚ БӘСЕКЕДЕ БАҚ СЫНАДЫ
Шәкірт үмітіне сеніммен қарап, бойларына ізгіліктің дәнін егуді мақсат еткен Осынау мәртебелі мамандықтың иелерінің мерекесі және Қазақстан кәсіподақтары күні қарсаңында қыркүйек айының 27-29 жұлдызы аралығында білім қызметкерлерінің дәстүрлі облыстық спартакиадасы ұйымдастырылды.
Салауатты өмір салты мен бұқаралық спортты дамытуды мақсат еткен шараға қала және аймағымызға қарасты аудандардағы білім қызметкерлерінен құрылған 8 команда қатысып, Жалпы саны 300 ге жуық ұстаздар спорттың 9 түрінен өзара мықтыны анықтады.
Спартакиада қорытындысына сай жалпы командалық есепте
I – орын 53 ұпаймен Қызылорда қаласының құрамасы көш басынан табылса,
II – орын 49 ұпаймен Қазалы ауданының құрамасы жүлделі екінші орынды қанжығалады.
III – орын 48 ұпаймен Қармақшы ауданының ұстаздары қанағат тұтты.
Айта кетейік, осымен үшінші жыл қатарынан ауыспалы кубок Қызылорда қаласының еншісінде қалды.
Арқан тарту жарысы бойынша:
І орын - Жаңақорған ауданы;
ІІ орын – Шиелі ауданы;
ІІІ орын – Жалағаш ауданының ұстаздары иеленді.
Гір спортынан Шиелі ауданының №150 орта мектебінің мұғалімі Саруардин Әлішер 48 кг гір тасын 85 рет көтеріп командасыны көш бастауына ықпал етті. /қоржынына 1 орынды алып берді./
Ал қол күресі түрінен Жаңақорған ауданының №51 орта мектебінің мұғалімі Бұлдырықов Біржан қатысушылар арасынан суырылып алға шықты.
Ұлттық спорт түрі -Тоғызқұмалақ жарысы бойынша:
«Үздік ойыншы» номинациясын Қызылорда қаласынан Абсадов Қобыланбек және Қазалы ауданынан Ұлықпан Гүлнұр иеленді.
І орын – Қызылорда қаласы;
ІІ орын –Қазалы ауданыны;
ІІІ орын –.Сырдария ауданының ұстаздары марапатталды.
Шахмат жарысы бойынша:
«Үздік ойыншы» номинациясы Қызылорда қаласынан Ерсайын Нұрдос және Сырдария ауданынан Әбдікамалова Ақгүлге табысталды.
І орын – Қызылорда қаласы;
ІІ орын –Қазалы ауданыны;
ІІІ орын –.Сырдария ауданының ұстаздары марапатталды.
Нәзік жанды аруларымыздың да облыстық спартакиадаға деген қызығушылығының жоғары екендігінің дәлелі шахмат, тоғызқұмалақ ойындарына кішкентай нәрестелерін ала келіп, жеңімпаз атануы.
Футболдан: І орын - Қармақшы ауданы;
ІІ орын – Қызылорда қаласы;
ІІІ орын – Қазалы ауданы;
Баскетболдан: І орын - Қызылорда қаласы;
ІІ орын – Шиелі ауданы;
ІІІ орын – Жаңақорған ауданы;
Волейболдан І орын - Қызылорда қаласы;
ІІ орын – Жаңақорған ауданы;
ІІІ орын – Шиелі ауданы;
Үстел теннисінен: І орын - Қармақшы ауданы;
ІІ орын – Қызылорда қаласы;
ІІІ орын – Жаңақорған ауданы;
Қиын да қадірлі мамандық иелері, ұстаздар қауымына мұндай жарыстар біліктіліктерін арттыру мен шеберліктерін шыңдау үшін аса маңызды. Үш күндік сайыста таңғы жаттығу да, күні бойғы тартысқа, шаршағандарына қарамастан кешкілік би алаңы ұйымдастырылды. Спартакиада соңында жеңімпаздар шеруі өтті.
Айтулы додада мерейлері үстем болып, жеңімпаз атанған ұстаздар өздерінің шәкірттеріне үлгі-өнеге болары анық.
Бала жанын жанарынан ұғатын қайсарлық пен мейірімділік, инабаттылық пен ізгілік иелері ұзтаздар қауымының мерейі әр кез үстем болғай!
Қазақстандық салалық білім және ғылым қызметкерлері
кәсіптік одағының Қызылорда облыстық ұйымы
-
Фото
-
