Маңғыстау облысы мұғалімдер спартакиадасы
2019 жылы «Жастар жылына» арналған іс-шараларға сәйкес, Қазақстан Республикасы Білім және ғылым министрлігінің Ұлттық ғылыми-практикалық дене тәрбиесі орталығы бекіткен, Мектепке дейінгі және орта білім департаменті және Қазақстан салалық білім және ғылым қызметкерлері кәсіптік одағымен келісілген «Қазақстан мұғалімдер спартакиадасы» ережесінің аясында, футбол, баскетбол, волейбол, гандбол, футзал, шахмат және бастауыш сыныптар арасындағы футбол спорт түрлерін қоса алғанда 33 жарыстан тұратын мектепішілік, аудандық, қалалық кезеңдермен, Маңғыстау облысының жалпы білім беретін мектеп мұғалімдерінің спартакиадасы ұйымдастырылып өткізілді.
Шараның ашылу және жабылу салтанаттарында Маңғыстау облысының білім басқармасының басшысы Сейдалиев Асқар Әбиұлы, «Қазақстан салалық білім және ғылым қызметкерлері кәсіптік одағының Маңғыстау облыстық ұйымы» қоғамдық бірлестігінің төрайымы Баймбетова Тарбия Анайбековна, Маңғыстау аймақтық дене тәрбиесі орталығының директоры Ибраев Бақыт Таңбайұлы, сонымен бірге, Мұғалімдер спартакиадасының қатысушы талапкерлері, аудандық, қалалық білім бөлімінің басшылары, мектеп директорлары, әдіскерлер, ұстаздар қатынасты.
Ағымдағы жылдың 27-28 қыркүйек күндері Мұғалімдер спартакиадасының Волейбол жарысы – Білім инновация лицейінің, Баскетбол жарысы «Назарбаев зияткерлік мектебінің», Футзал – Ш.Есенов атындағы Каспий мемлекеттік технологиялар және инжиниринг университетінің спорт залдарында өтті.
Аталған спорт түрлерінен жеңімпаздар ағымдағы жылдың 28-31 қазан аралығында Нұр-Сұлтан қаласында өтетін Республикалық мұғалімдер спартакиадасына жолдама алады.
Спартакиада жарыстарының қорытынды марапаттау рәсімінде Маңғыстау облысының білім басқармасының басшысы Сейдалиев Асқар Әбиұлы, «Қазақстан салалық білім және ғылым қызметкерлері кәсіптік одағының Маңғыстау облыстық ұйымы» қоғамдық бірлестігінің төрайымы Баймбетова Тарбия Анайбековна өздерінің тілектерін білдіріп, жеңімпаздарды арнайы грамота, дипломдармен кубок, медальдермен марапаттады.
Маңғыстау облысының жалпы білім беретін мектеп мұғалімдерінің спартакиадасында ерлер, әйелдер арасында 3х3 баскетбол жарысында жүлделі І орын Мұнайлы ауданы командасы иеленсе, ерлер арасындағы футзал жарысынан І орын алған Маңғыстау ауданы, әйелдер арасындағы волейбол жарысынан І орын Ақтау қаласының командасы иеленді, сонымен бірге «үздік ойыншыларда» аталып өтіп, жалпы командалық есеп бойынша марапатталды.
Мұғалімдер спартакиадасы Мұғалімдер күні, Қазақстан Республикасы Кәсіподақтары мерекелері қарсаңында ұстаздар қауымын бір серпілтіп тастады.
«Қазақстандық салалық білім және ғылым қызметкерлері кәсіптік одағының
Маңғыстау облыстық ұйымы» ҚБ
-
Фото
-
