Аумақтық ұйымдардың жаңалықтары

Бүгін 2019 жылдың 16 қыркүйегінде білім және ғылым қызметкерлері кәсіподағы облыстық Кеңесінің мәжілісі өтті. Мәжілісті Облыстық кәсіподақ ұйымның төрайымы Р.Серікова ашып, әріптестерді жаңа оқу жылының басталуымен құттықтап, Ел Президенті Қасым-Жомарт Тоқаевтың Қазақстан халқына Жолдауындағы білім саласындағы сұрақтарға тоқталып өтті. Облыстық ұйымның бас маманы Н.Жетпісбай Президенттің Қазақстан халқына Жолдауына байланысты жасаған мәліметі толықтай қолдау тапты. Сонымен қатар, Алға, Байғанин, Хромтау аудандық білім қызметкерлері кәсіподағы ұйымдарындағы білім қызметкерлерінің құқықтары мен заңды мүдделерін қорғау жұмыстарының жағдайы туралы кәсіподақ төрағалары тыңдалып, талқылау жүргізілді. Білім қызметкерлері кәсіподақтарындағы еңбек заңдылықтарының сақталуына қоғамдық бақылау жүргізу жұмыстары туралы Әйтеке би, Мұғалжар аудандық кәсіподақ ұйымдарының төрағалары баяндады. Облыстық ұйымның бас маманы, құқықтық еңбек инспекторы А.Алимпиев білім қызметкерлерінің құқықтары мен заңды мүдделерін қорғау және еңбек заңдылықтарының сақталуына қоғамдық бақылау жүргізу туралы аталған аудандарда жасалып жатқан жұмыстардың кемшіліктері мен жетістіктерін атап өтті. Қ.Жұбанов атындағы АӨМУ бастауыш кәсіподақ ұйымында Жарғылық талаптар мен тапсырмалардың орындалуы туралы бастауыш кәсіподақ ұйымының төрайымы О.Сұлтанғалиева мәлімет берді. Қазақстандық салалық білім және ғылым қызметкерлерінің Ақтөбе облыстық кәсіподақ ұйымының төралқасының құрамына өзгерістер енгізу туралы бас маман А.Серімбетов жасаған ұсыныс қолдау тапты.

«Қазақстандық салалық білім және ғылым қызметкерлері
кәсіптік одағының Ақтөбе облыстық ұйымы» ҚБ