«Жас ұстаз - жарқын болашақтың бастауы»
Салалық кәсіподақтың негізгі іс-шаралар жоспарына сәйкес Алматы облысында дәстүрлі педагогтардың республикалық жазғы лагері ұйымдастырылды. 25 маусым күні «Жас ұстаз - жарқын болашақтың бастауы» атты республикалық жазғы лагерінің ашылу салтанаты болды. Ақтөбе облысы бойынша лагерге Ақтөбе көлік, коммуникация және жаңа технологиялар колледжінің арнайы пәндер оқытушысы, республикалық жастар кеңесінің мүшесі Айткулов Медет Ерболатұлы, Ойыл ауданы Ақшатау орта мектебінің тарих пәнінің жас маманы Төрәлі Данияр Серікұлы, Қ.Жұбанов атындағы Ақтөбе өңірлік мемлекеттік университетінің Педагогика факультетінің оқытушысы Қайыржанқызы Әселім, «Өрлеу» Ақтөбе облысы бойынша педагогикалық қызметкерлердің біліктілігін арттыру институтының ІТ мамандары Орынгалиева Гулназ Акынгалиевна мен Трнабаева Наталья Сергеевна кетті. «Ұлы даланың Жерұйығы - Жетісу» киелі жерлеріне саяхаттан бастап, Шарын шатқалы, Ш.Уәлихановтың мемлекеттік мемориалдық музейі, т.б. тарихи жерлерді аралауда. Жас мұғалімдерімізге мың алғыс! Сіздер озық әлемдік білім беру кеңістігіне кіру үшін білімдеріңіз бен дағдыларыңызды жаңа деңгейге көтеріп, Қазақстанның өркендеуі мен білім беру саласының табысты дамуына ықпал етіп жатырсыздар! Елімізді әрдайым тыныштық пен тұрақтылық болсын! Демалыстарыңызға сәттілік тілейміз!
«Қазақстандық салалық білім
және ғылым қызметкерлері кәсіптік
одағының Ақтөбе облыстық ұйымы» ҚБ
