Ұжымның 50 жас мерейтойы
2019 жылғы 23 мамыр күні Қарақия ауданы, Жетібай кентіндегі №8 орта мектебінің 50 жылдық мерейтойы жоғары деңгейде аталып өтті. Мерейтойға қатысқан кеш қонақтары аудандық білім бөлімінің басшысы К. Дауырбаев, облыстық кәсіподақ ұйымының төрайымы Т. Баймбетова, ардагер ұстаздар, мектептің алғашқы түлектері, шәкірттері, ұжым мүшелері қатысты.
Кеш барысында мектебіміздің мерекесіне шақырылған ардагер ұстаздарымызды қоңыраудың сыңғыр үнімен биылғы жас түлектермен ортаға қошеметпен шақырылды.
Облыстық кәсіподақ ұйымының төрайымы Т. Баймбетова, оқу-тәрбие жұмысының меңгерушісі, ардагер ұстаз Тәжібаев Табынбай ағайды, Қазақстан Республикасы Білім және ғылым министрлігінің «Білім беру ісінің құрметті қызметкері» төсбелгісімен марапаттап, еңбегі жетістіктерге толы технология пәнінің мұғалімі Атаджанова Венераға Алматыдағы «Қарғалы» шипажайына жолдама тапсырылды.
Сонымен қатар мектебіміздің 5 мұғалімі облыстық білім басқармасының, 10 мұғалім аудан әкімінің, 10 мұғалім аудандық білім бөлімінің «Алғыс хаттарымен» марапатталды.
Қарақия ауданы, Жетібай кенті, №8 орта мектебінің
бастауыш кәсіподақ ұйымының төрайымы Қожалықова Аягөз
