Аумақтық ұйымдардың жаңалықтары

Білім және ғылым қызметкерлері кәсіподағының Қызылорда облыстық комитетімен облыстық білім басқармасы 2019 жылғы 30 қаңтардағы 10-нқ/1 бірлескен шешімін жүзеге асыру мақсатында облыстық оқу орталығының ұйымдастыруымен "Үздік бастауыш сынып мұғалімі-2019" облыстық байқауы ұйымдастырылды.
Байқаудың мақсаты:
- жаңартылған мазмұнды бағдарлама бойынша шығармашылықпен жұмыс жасайтын бастауыш сынып мұғалімдерін анықтау;
- мұғалім мәртебесін көтеру;
- үздік педагогикалық тәжірибелерді зерттеу, насихаттау және тарату;
- оқушылардың қабілеті мен функционалдық сауаттылығын дамытуда жоғары нәтиже көрсеткен белсенді, шығармашылықпен жұмыс жасайтын мұғалімдерге қолдау көрсету.
Аудандық, қалалық білім беру мекемелерінен облыстық кезеңге 8 педагог қатысты.Жюри мүшелері облыстық кәсіподақ комитеті төраға орынбасары Г.Есқалиева, облыстық білім басқармасынан "Мектептеке дейінгі және жалпы білім беру" бөлімінің басшысы Б.Жәнібеков, ПШО тренері Ж.Райымқұловажұмыс жасады.Байқау бірнеше кезеңдерден құрылған: І.Эссе:«Менің педагогикалық ұстанымым: мәні, құндылықтары, басымдықтары»;
ІІ. Қатысушының портфолиосы;
ІІІ.Тест тапсыру ( педагогика, психология, бастауыш сыныптарды оқыту әдістемесі);
ІҮ. Бастауыш сынып мұғалімінің қазіргі заманғы әдістемелер мен технологияларды еңгізу бойынша іс-әрекеті;
Y.Бастауыш сынып мұғалімдерінің оқушының функционалдық сауаттылығын дамытудағы жұмыс үлгілері;
ҮІ.Бастауыш сыныптарда оқытылатын таңдау пәндеріне авторлық бағдарламалар (Үй тапсырмасы).
Комиссия мүшелері ережеге сәйкес критерийлер бойынша бағалады. Бағдарламаның білім беру негіздеріне сәйкестігі.
ғылымилығына, мазмұнына. мұғалімдердің ізденушілік, инновациялық жұмыстарына баса назар аударды.
Осындай қызықты да тартысты бәйгеде жүзден жүйрік болып озған Шиелі ауданы №244 орта мектебінің бастауыш сынып мұғалімі А.Бекназарова -1 орынды; Қызылорда қаласы , № 3 ІТ мектеп-лицейінің мұғалімі Л.Балтабаева - 2 орынды; Қармақшы ауданы №277 мектеп-лицейінің мұғалімі Ш.Ергалиева- 3 орынды қанжығыларына байласа, барлық қатысушыларға номинациялар мен сертификаттар табысталды.
Үміткерлер байқаудың барлық айналымында жан – жақты дайындығымен әділқазылар мен көрермендердің көңілінен шыға білді.