Қызықты кездесү
Білім беру қызметкерлерінің кәсіподақ ұйымы Жастар кеңесімен бірлесіп Жастар жылы аясында кезекті іс-шара өткізді.
2018 жылдың 13 мамырында Ақсу қаласының Балалар эко-техноорталығының коворкинг залында білім бөлімінің басшысы Қайрат Теміржанұлы Смағұловтың мектеп және мектепке дейінгі ұйымдардың жас мамандарымен кездесуі өтті.
«Мәдениет және білім: табысқа жетудің векторы» тақырыбындағы ашық диалог барысында модератор, жастар кеңесінің төрағасы Фархат Еңсебаев қазіргі заманғы білім беру моральдық нормалар мен құндылықтар жүйесіне оқыту мен тәрбиелеуде жиі назар аударатынын атап өтті.
Мәдениет пен білім берудің мақсаты адамды тәрбиелеу, дәлірек айтқанда оның рухани – адамгершілік құндылықтары, патриотизм, адамгершілік, төзімділік сезімдері болып табылады. Білім беру процесінде адам мәдени құндылықтарды игереді.
Білім бөлімінің басшысы өз сөзінде білім беру мазмұны әртүрлі елдер мен халықтардың мәдени мұрасынан, үнемі дамып келе жатқан ғылымның түрлі салаларынан, сондай-ақ олардың өмірі мен тәжірибесінен үнемі толықтырылып келе жатқанын атап өтті. Қайрат Теміржанұлының пікірінше, білім беру - жинақталған білім мен мәдени құндылықтарды беру процесі. Мәдениет пен білім бөлінбейді, біздің мәдениетіміздің ерекшелігі - бұл отбасында алатын тәрбие.
Басшы жас мұғалімдердің барлық сұрақтарына жауап берді. Сұрақтар әртүрлі және қызықты болды: жас мұғалімдердің арасында мәдениеттің табысты дамуының траекториясын және сапалы білім деңгейін қалай құруға болады? Жастар мәдениетінің деңгейі қандай? Қалай табысты болу керек? Жас маманның жалақысын қалай арттыруға болады, педагогтардың желілік қоғамдастықтары, әлеуметтік медиаконтент туралы.
Өз кезегінде Қайрат Теміржанұлы бірнеше сұрақ қойды: Білім не үшін қажет? Мәдениетті адам деген кім? Инновациялық білім мен мәдениет дегеніміз не?
Кездесу барысында сындарлы және жан-жақты пікір алмасып, жас мамандар өзекті мәселелер бойынша өз ұсыныстарын айтты.
Ақсу қаласы Жастар кеңесінің мүшесі
-
Фото
-
