"Жастар - мәңгілік ел мұраты"
Құрметті достар, әріптестер!
Жастардың қамқоршысына айналған Райкүл апай мен Гүлжан апайымыздың қолдауымен Жалағаш аудандық кәсіподағы жанындағы "Жалын" жастар қанатының құрылғанына аз ғана уақыт болса да біршама жетістіктерге жетті! Қаншама шаралардың ұйытқысы болды! Жалындық жастар сан додада топ жарды! Шүкірлік!
"Жалын" жастар қанатының ең ауқымды шараларының бірі - кеше өткен "Жастар - мәңгілік ел мұраты" атты жастар жылының ашылу салтанаты екені сөзсіз.
Көрші аудан жастары мен жалағаштық жастар бір-бірімен танысып-білісіп, тәжірибе алмасты, дос тапты. Шарада жастардың болашағын бағамдауға көмек қылар тренингтер мен семинарлар өтті. Еркін пікір алмасып, өз ойларын ортаға салды. Жастар үшін алтын уақытын қиып келген өнертанушы ғалым Гүлзат әпкеміз бен психолог Сымбат әпкеміздің еңбегі ерен. Жастар жылының ең басты жетістігі аудандық білім қызметкерлері кәсіподақ ұйымының демеушілігімен жалындық жастар заманауи үлгіде жабдықталған жеке жұмыс кабинетіне ие болды.
"Жалын" жастар қанатының шарасының жоғарғы деңгейде өтуіне достық һәм әріптестік көмек көрсеткен аудан әкімдігіне, аудандық білім бөліміне, аудандық ішкі саясат бөліміне, аудандық жастар ресурстық орталығына жалындық жастар атынан зор алғысымызды білдіреміз!
Жасұлан СЕРІК
"ЖАЛЫН" жастар қанатының төрағасы
-
Фото
-
