.jpg)
Кәсіподақ жастары арасында жарыс өтті
Ұлыстың ұлы күні Наурыз мерекесі қарсаңында Батыс Қазақстан облысының кәсіподақ ұйымдары және Батыс Қазақстан Кәсіподақтар орталығы жанындағы «Келешек» жастар ісі бойынша кеңесінің ұйымдастыруымен кәсіподақ жастары арасында ұлттық ойындар түрлерінен спорттық жарыс оздырылды.Шараға БҚО бойынша салалық кәсіподақтардың 11 командасы қатысты.
Аталмыш жарыста асық ату, дартс, дойбы, шахмат, тоғызқұмалақ сынды ойын түрлерінен командалар бақ сынасып, өзара сынға түсті.
Наурыз мерекесіне орай ұйымдастырылған шараға «Қазақстандық салалық білім және ғылым қызметкерлері кәсіптік одағының БҚО ұйымы» ҚБ филиалыныңжастарынан құралған «Темірқазық», «Болашақ» атты қос команда қатысты. Кәсіподақ жастарының бос уақытын тиімді ұйымдастыру, салауатты өмір салтын қалыптастыру, жастарарасында жолдастық қарым-қатынасты орнату мақсатында ұйымдастырылған спорттық жарыста БҚО білім және ғылым қызметкерлері кәсіподағы жастары айқын басымдылық танытып, жеңіс тұғырын бағындырды.
Атап айтсақ, «Асық ату» ойыны бойынша әйелдер арасындағы жүлделі І-орынды – А.Мырзагереева, «Дартс» ойыны бойынша ерлер арасындағы ІІ-орынды – Е.Сериккалиев, «Дойбы» ойыны бойынша ерлер арасындағы І-орынды – Ф.Сарсенгалиев,«Дойбы» ойыны бойынша әйелдер арасындағы І-орынды – А.Джумагалиева,ІІ-орынды – А.Жумашева,ІІІ-орынды – Е.Полищук, «Шахмат» ойыны бойынша ерлер арасында І-орынды – Т.Жумабаев иемденсе,әйелдер арасындағыІ-орынды – С.Баймурзина, ІІ-орынды – Ж.Джумасултанова, «Тоғызқұмалақ» ойыны бойынша ерлер арасында ІІІ-орынды – Т.Ниязов иеленсе, осы ойын түрі бойынша әйелдер арасында ІІ-орын – Ф.Темирбулатоваға бұйырды.
Жастар арасында өткен дүбірлі додада «Қазақстандық салалық білім және ғылым қызметкерлері кәсіптік одағының БҚО ұйымы» ҚБ филиалының спортшылары командалық есеппен бас жүлдені бағындырды.
Команда капитаны, білім және ғылым қызметкерлері кәсіптік одағы жанындағы «Келешек» жастар кеңесі төрайымының орынбасары Ж.Тайшыбаевқа аталмыш шарада командалар арасында табандылық танытып, жүлделі орынға қол жеткізуге қосқан үлесі үшін білім және ғылым қызметкерлері кәсіптік одағы алғыс білдіреді.
Бадакова И.М.,БҚО білім және ғылым қызметкерлерікәсіптік
одағы жанындағы «Келешек» жастар кеңесінің төрайымы
