8-Наурыз Халықаралық әйелдер мерекесіне байланысты, аудан орталығындағы мәдениет сарайында салтанатты жиын ұйымдастырылды
8-Наурыз Халықаралық әйелдер мерекесіне байланысты, аудан орталығындағы мәдениет сарайында салтанатты жиын ұйымдастырылды. Жиынды аудан әкімі Е.Қ.Айтханов ашып барша әйелдер қауымын мерекемен құттықтап, көпбалалы аналарға «Күміс», «Алтын алқа» медалдарын тақты.
Аудандағы көпбалалы аналарды мерекесімен құттықтап сый құрмет көрсетті. Жиын соңы театрланған көріністермен концертке жалғасты.
Отырар аудандық білім және ғылым қызметкерлері кәсіподақ комитеті «Шеңгелді» жалпы орта мектебінің ұжымы ұйымдастырған 8 Наурыз-Халықаралық әйелдер мерекесіне байланысты «Ардақтайық ананы» атты салтанатты жиын өткізді. Жиынға Көксарай ауылының әкімі Мауленқұл Абдрахман, Нұр-Отан партиясының өкілі және Спорт бөлімінің бастығы Ташов Ермек барлық аналарды 8 Наурыз-Халықаралық әйелдер мерекесімен құттықтап сый құрмет көрсетті. Аудандық білім және ғылым қызметкерлері кәсіподақ комитеті ұжымдағы барлық қыз-келіншектерді төл мерекесімен құттықтап, еңбектеріне табыс тіледі. Жиын барысында 38 жылан астам білім саласында жұмыс жасаған ардақты ұстаз Арыстан Ұлсерік Жұматқызын «Кәсіподаққа еңбегі сінген қызметкер» төсбелгісімен және тағы басқа ұстаздарды аудандық білім бөлімінің, аудандық кәсіподақ комитетінің алғыс хаттарымен марапаттап сый құрмет көрсетілді. Жиын соңы концертке ұласты.
-
Фото
-
