Бастауыш кәсіподақ ұйымының төрағаларына құрмет көрсетілді
Бүгін білім және ғылым қызметкерлері Талдықорған қалалық кәсіподақ комитеті 8 наурыз-Халықаралық әйелдер күні мерекесіне орай салтанатты қабылдау өткізді.
Оған білім ордаларының басшылары, бастауыш кәсіподақ ұйымының төрағалары және көп балалы аналар қатысты.
Шараны Талдықорған қалалық кәсіподақ комитетінің төрағасы Мэлс Төлепбергенов өз сөзімен ашып, кәсіподақтың атқарған жұмысы туралы қысқаша баяндап, ұстаздар қауымын мерекемен құттықтады.
Құттықтау легін Алматы облыстық ұйымының төрағасы Садық Нұрсапаұлы жалғастырып, өзінің жылы лебізімен бөлісті. Сонымен қатар, қоғамдық бірлестіктің жұмысын жандандыруға атсалысқан бастауыш кәсіподақ ұйымдарының төрағаларына Құрмет грамоталары мен гүл шоқтарын табыс етті.
Талдықорған қаласындағы Қ.Байсейітов атындағы саз колледжінің өнерпаздары шараны әнмен әрлеп, бимен өрнектеді.
Салтанатты қабылдау шарасының соңында қатысушылар ұйымдастырушыларға алғыстарын айтты.
Алматы облыстық білім және ғылым
қызметкерлері кәсіподақ ұйымының
баспасөз қызметі
-
Фото
-
