Аумақтық ұйымдардың жаңалықтары

Тарбағатай ауданының білім беру қызметкерлері кәсіподақ ұйымының ұйымдастыруымен 2018-2019 оқу жылы ішінде дәстүрлі екі жылда бір өтетін кәсіподақ мүшелері арасында ІХ-спартакиадасы өтіп жатыр. Спартакиаданың бағдарламасында волейбол, стол теннисі, шаңғы, шахмат, тоғызқұмалақ, дойбы сияқты спорттың алты түрі қамтылған. Спартакиадада өзара сынға түскен спорт додасының мақсаты салауатты өмір салтын насихаттауға, кәсіподақ мүшелері арасында спортпен тұрақты шұғылдануға ықпал етуге, кәсіподақ мүшелері арасында достық қарым қатынасты нығайтуға бағытталады. Спартакиаданың әр түрінен жүзден жүйрік атанғандар бағалы сыйлықтар мен мақтау қағазымен марапатталады. Ақпанның 27 күні Құмкөл ауылында спартакиаданың бағдарламасы бойынша шаңғыдан кәсіподақ мүшелері арасындағы алғашқы жарыс салтанатты ашылып, Сасан би атындағы орта мектебі оқушыларының мерекелік құттықтауларымен басталды. Ұйымдастырылған шаңғы жарысына 27 білім беру ұйымынан 140-тан астам кәсіподақ мүшелері қатысты. Шара барысында аудандық білім беру қызметкерлері кәсіподақ ұйымының төрағасы С.З.Ахметқалиев қатысушыларға құттықтау сөз сөйлеп, спорттық табыс тіледі. Шаңғы жарысының бағдарламасы бойынша 20-35 жас, 35-50 жас, және 50 ден асқандар қатысып сайысқа түсті. Жарыстың соңында ұйымдастыру алқасы барлық қатысушыны салауатты өмір салтын ұстануға белсене араласқаны үшін алғыс білдіріп, жеңімпаз атанғандарды құттықтады. Жарыс қорытындысы бойынша 20-35 жас бойынша ерлер арасында 1-орынды Екпін ауылының «Балбөбек» балабақшасының қызметкері Қадырбаев С, 2-орынды Ы.Кабеков атындағы орта мектебінің қызметкері Китатов М, 3-орынды Ақсуат орта мектебінің қызметкері А.Асубаев иеленсе, қыздар арасында 1-орынды М.Әуезов атындағы орта мектебінің қызметкері Дүйсенбаева А, 2-орынды «Жасұлан» балабақшасының қызметкері А.Советханова, 3-орынды С.Сейфуллин атындағы орта мектебінің қызметкері А.Мырзағалиева иеленді. 35-50 жас бойынша ерлер арасында 1- орынды Сасан би атындағы орта мектебінің қызметкері Қ.Сапаров, 2-орынды Қ. Сатпаев атындағы орта мектебінің қызметкері Ахметов Е, 3-орынды Тоғас батыр атындағы орта мектебінің қызметкері А.Шайбасов, қыздар арасында 1-орынды Сасан би атындағы орта мектебінің қызметкері Иісова М, 2-орынды К.Нұрбаев атындағы орта мектебінің қызметкері А.Қалиева, 3-орынды М.Әуезов атындағы орта мектебінің қызметкері П.Хасенова иеленді. 50- жастан асқандар бойынша ұлдар арасында 1-орынды Ақсуат орта мектебінің қызметкері М.Қамзин, 2-орынды С.Сейфуллин атындағы орта мектебінің қызметкері Қ.Искаков, 3-орынды М.Әуезов атындағы орта мектебінің қызметкері Ж.Бабалинов, әйелдер арасында 1-орынды Ақсуат орта мектебінің қызметкері Б.Алимбаева, 2-орынды Ю. Гагарин атындағы орта мектебінің қызметкері Г.Қамзабекова, 3-орынды Ы.Кабеков атындағы орта мектебінің қызметкері Ж.Өмірханова иеленді. Сондай-ақ 60 жастан асқан, білім саласында ұзақ жыл қызмет атқарып келе жатқан, кәсіподақ жұмысына үнемі белсене араласатын К.Нүрбаев атындағы орта мектебінің ардагер ұстазы Кеңесбек Асубаев және Қ.Қайсенов атындағы орта мектебінің қызметкері Бектас Жұмажанов жарысқа қатысып белсенділік танытып спортқа деген құрмет көрсеткендігі үшін ынталандыру сыйлығымен марапатталды. Жеңімпаздар Тарбағатай ауданының білім беру қызметкерлері кәсіподақ ұйымының грамоталарымен және бағалы сыйлықтарымен марапатталды.

Тарбағатай ауданының білім беру қызметкерлері кәсіподақ ұйымының төрағасы С.З.Ахметқалиев