«Салауатты өмір салтын ұстанайық!»
30.01.2019 жылы мектеп директорының тәрбие жөніндегі орынбасары және әлеуметтік педагогтер арасындағы волейбол жарысын өткізілді.
Мұнайлы аудандық білім бөлімі, білім үйлестіру орталығы, «Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Мұнайлы аудандық филиалының 2019 жылғы жоспарына сәйкес, жастар жылында волейбол ойынын кеңінен дамыту, қатысушыларды салауатты өмір салтын ұстануға шақыру, ойынға деген қызығушылық қабілетін арттыру, достық, ынтымақтастық қарым-қатынасты нығайту мақсатында мектеп директорының тәрбие жөніндегі орынбасары, әлеуметтік педагогтері арасындағы волейбол жарысы Шоғы Мұңалұлы атындағы №5 орта мектептің дене шынықтыру залында ұйымдастырылды.
Волейбол жарысының қатысушыларына Мұнайлы аудандық білім үйлестіру орталығының дене шынықтыру әдіскері С.Алланазарова сәттілік тілеп, ойынды ашып берді.
Аудан мектептерінен «Айрақты», «Астана», «Бәйтерек», «Жалын» командаларысынға түсіп, бар күш-жігерін ортаға салды. Жарысқа қатысушылардың сәтті ойын көрсетулеріне барлық жағдай жасалып, жаттықтырушылар алдын ала алаңда қалай тұру, төрешінің белгі беруі бойынша жылдам орын ауыстыру және допты қабылдау, ұсыну техникасына сай дайындық жүргізді.
Дене шынықтыру жетекшілері А.Досжанов пен Ж.Қалдыбаев төрешілік еткен ойын тартысты өтті.
Жарыс соңында қатысушылармен жаттықтырушыларға және төрешілерге аудандық білім үйлестіру орталығының тәрбие жөніндегі әдіскері М.Иманкулова алғыс айтып, жеңімпаздар мен үздік командалар аудандық білім бөлімінің дипломдарымен және «Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Мұнайлы аудандық филиалының бағалы сыйлықтарымен марапатталды.
Маңғыстау облысы, Мұнайлы аудандық филиалы төрағасы Р. Н. Текеева
-
Фото
-
.jpg)
.jpg)
